[غيوم ممطره]

السلام عليكم ورحمة الله وبركاته

.

.

.

المستحيل الممكن

.

.

فيه أشياء.. مستحيله .. وتصبح ممكنه

وفيه أشياء.. ممكنه كيف تصبح مستحيل

.

وانت وصلك.. مستحيل وأنا من أمكنه

إنّه يعيشه حقيقه .. وذا أكبر دليل

.

أذكر إنّه .. حلم ليلٍ .. فبالي مسكنه

وأذكر إنّه .. ساكن فبال غيري حلم ليل

.

ويوم وصلك صار شفّي أنا جيت أمكنه

جيت أبي أروي ضمى العمر منّك سلسبيل

.

جيتلك والدّرب يمّك تخيّرت أتكنه

أدري أن الدّرب يمّك يجي عسرٍ طويل

.

صاملٍ ماجيت يمّك بخوف وكنكنه

حالف آصلك .. ووصلتك وذا ماهو قليل

.

لا وربّي ما وصلتك بذل ومسكنه

واصلك كلّي شموخ يشابهه النخيل

.

عاد تدري دامني جيت غيري أركنه

خابرٍ ثقلك وأنا خابر إنّي للثّقيل

.

وأزمنة وصلك لو تروح تبقى أمكنه

كل ما مرّيت فيها مواويلي تسيل

.

عندي أشياء.. مستحيله ..لغيري ممكنه

وعندي أشياء.. ممكنه عند غيري مستحيل.

.

.

~~~~~~~~~~~~~~~~~~

للشاعر/مشعل الدهيم.