تعودني عليك أيام أبد ما أفارقك ليله
واذا عنك أروح اليوم أقولك نلتقي باكر
أنا ما ودي أشكيلك ولكن قلت الحيله
أليمه غيبتك والله وأنا عالبعد مب قادر
يا شين الوقت من دونك دقيقه كنها ليله
شصبرني وأنا أحبك ومثلك بالبشر نادر
تعلق قلبي بقلبك يسولف له ويحكي له
تدلل قول بس اطلب أنا بأقول لك تامر
انا مدري اذا قلبي رفض يصبر شسوي له
تخيل حالتي بعدك أنا تحطمت عالآخر
أكلم نفسي في غيابك ألوم القلب وأشكي له
أصبر نفسي بالقوه وأقضي الليل وانا ساهر
أنا اتمنى قبل لا يروح يلمس دمعي منديله
أبيه يحس بإحساسي أبيه يقول لي تامر
عزاي انه أخذ قلبي بوسط عيونه يشيله
وأنا أصبحت في بعده حزين وأكسر الخاطر