الله يجزاك خير ويكتب أجرك..
ردك كنت محتاجة له من قبل 5 شهور من يوم عرفت ب خبر زواجه من يوم جاء عيد الفطر وبنتي تقول بابا بابا وتوقعت بيجي يعايد عليها طلع الأخ مشغول يجهز لزواجه في إيام العيد
.كلامك صحاني وصلتي لي أنه فعلا مايصلح زوج
وترى انا حكمت عليه أنه طيب وحنون من مواقفة معاي بعد الزواج والظاهر انه كان يمثل علي
توقعت أن الزوج ضعيف الشخصية تقدر الزوجة تغيرة بسهولة ماتوقعت انه شي صعب
وفعلا اذا أمه واخواته قالو له شي يقلب علي ويسبني ويهجرني كلامهم صح حتى لو كان ظلم وبهتان
على فكرة إلى الآن اهله يتدخلون في قراراته ولايسوي شي إلا بشور أمه واخواته
مع أنه مو صغير عمره 35 سنة.
في موضوع النفقة ابوي طلب منه نفقة لبنتي وحدد ابوي المبلغ الي يشوفه يكفيها رفض وقال انا بروح أفكر وبكرا ارد عليكم هو مايعرف يفكر يعرف يشاور حريم عدوات أنفسهم
أنا ذلحين جالسة أفكر وأحاول اربي بنتي تربية صالحة أخلي أبوها يندم على هجرانه لها اخليها ترفع رأسي ورأس ابوي وامي الي اعتبروها بنتهم والله إنها عندهم اغلا منا
ولاتنادي ابوي وأمي إلا بابا ماما ماشاء الله تبارك الله الله يخليهم لنا ويجعلها باره فينا
لما اشوف عماني واخوالي اخواني الكل يحب بنتي ويهديها أحزن اقول الكل يرحمها ويحبها إلا أبوها مايدري عنها مايدري اذا هي بخير أو مريضة. تمر الأعياد مافكر يعايد عليها.
يجري ورى شور الحريم متى مابغو زوجوه ومتى مابغو جلسو وراه حتى يطلق هذي شغلتهم في الحياة حسبي الله ونعم الوكيل عليهم
احيان أحس بغصة اذا تذكرت أنها باقي لها كم شهر تولد اقول كيف أتقبل الخبر
واحيان اقول الحمد لله جربت شعور الأمومة وبنتي معاي وعايشه الحمدلله احلا عيشة
ويمكن الطفل الي يجيه يكون عقوبة من الله لأنه يقول الي جاب البنت يجيب غيرها استهتار حسبي الله ونعم الوكيل