[رمحين]

المشاركة الأصلية كتبت بواسطة خلووووود الخالد : واياك اخوي : رمحين وبارك فيك والـعــفو ... فكلماتك الجميلة ومنطقك الجميل تجبرني على أن أحاول مجاراتك . وقد افتقدناك وافتقدك متصفحك الدافيء ...حقيقة والله وتمنيت أن تكون بخير وتعود لتضيء متصفحك والمنتدى فمثلك يُـفـتـقد ,,, بغض النظر عن ....لا أدري ...شيء لا أفهمه ....ولا أرغب في أن أفهمه............ لكن تأكد أن تواجدك يثري المنتدى ...وغيابك يؤثر فيه ... دمت بخـــــــــــــــــير : أخي رمـحـــين : :

ما تفقدين غالي اختي خلود .. وعسى العافية ماتسال عنك .. عساها فيك دوم .

وليس هناك علامات استفهام لغيابي الا بسبب اني لا املك من الوقت الا القليل لدخول المنتديات ، واسرق لها من الوقت لحظات ارتاد فيها المنتديات الاقتصادية للقراءة فقط واذا لقيت فرصة شقّرت عليكم هنه .
والخير والبركة فيك وفي باقي الاخوات والاخوان الله يعطيهم الصحة والعافية واخص بالشكر الجزيل الاخت شوق تبوك التي اشعلت المتصفح باطلالتها الدائمة الله يوفقها ويحفظ لها والدتها .

وهذي مشاركتي للشاعر طلال الخثل ، عن قولة ما شاركت معكم :-

من قبل لاتاصل وصل قبلها الطيب
لاجيت اقبـّل راسهـا .. ريـح حنـّا

الحب نارٍ فـوق روس المراقيـب
واللي يعدي الضلع ماخـاب ظنـّه

حبي لهـا مافيـه شـكٍ ولا ريـب
كنّه ورى عـوج المحاديـب كنـّه

ماهو هوى اللي في جحور السراديب
واليـوم الآخـر لـو يقفـي نسنـّه

مهما كبرت ولآح في عارضي شيب
في عينهـا طفـلٍ صغيـرٍ تحنـّه

امي هواها بيـن ذيـك المحاديـب
من تحت رجليهـا والأقـدام جنـّه

يازين لاقالت وهي عنـي اتغيـب
ياريحة أمي ريحتـه .. غبـت عنـّه

لاصار بي شيٍ لـو انـه أكاذيـب
قامت تجـر مـن المعاليـق ونـّه

يومي صغير ولاعرفت المواجيـب
يوم اقصرانا بنـت الأجـواد بنـّه

لآجيت ابطلع قلدت عويـة الذيـب!
قالت تـرى بـرا يعضـك بسنـّه!

ولآجيتها بريح الحطب والمحاطيـب
ريح الحطب بالثوب قامـت تكنـّه

ياجعـل يفداهـا بنـاتٍ رعابيـب
واللـي يبيهـن .. يومهـن مايبـنـّه

ماقصرت ربت رجـالٍ اصاعيـب
صغيرهـم شقـح العـذارى .. نخنـّه

ابوي مات اللـي يحـل المناشيـب
يومه على رجله وانـا جيـت منـّه

قلته وانا من راس قـومٍ مجاذيـب
سيفٍ لنا في وجـه الأعـداء.. نسنـّه

يمـه كبـرت ولا يخوّفنـي الذيـب
هالحين انا ذيـبٍ ولـي نفـس سنـّه!!