لاتشتكـي مـن جـور الايـام للنـاس
وادفن همومك في ثرى الصمت كله
اسـرار عمـرك خلهـا تحـت الانفـاس
لا صــار هــرّاج القـفـا فـاطن (ن) له
هذاك يفرح.. لا لمس جرح الاحساس
و هــذا مـنـاه لا لـقـى فـيــك عـلــــه
جـو الربيـع بعـجـة الصـيـف ينـحـاس
لاجت هروج(ن) ما تجي فـي محلـه
داعب هموم الليل لا هب نسنـــــاس
وعطها الخبر من قلب خل(ن) لخلّـه
قلّـه حبيبـك مـا وطـى قلبـه الـيـاس
حتـى عذابـك بالـهـوى جـايـز(ن) لــه..!
تعيش بالوجـدان مـا عـاش هالـراس
لـولاك.. قلـي.. وش انـا عايـش(ن) لـه..؟
إن زانـت الايــام يــا شــوق.. لابــاس
ولاّ صـبـرنــا.. لــيــن ربـــــك يـحــلّــه ...
***
خالد الفيصل ,,