الله يشفي الجميع ويبطل عنهم كل شر حاقز وحاسد لايذكر الله
حسبي الله ونعم الوكيل في كل من ضر المسلمين بحقده وحسده وسحره حسبي الله ونعم الوكيل
....
والله اننا نحاول انا وخواتي نشغل الرقيه في البيت ونجيب شيخ كل يوم يقرأ علينا
بس امي ماهي متقبله الوضع وتقول مافينا شي احنا كذا مانعرف نتصرف بحياتنا
وتقول ان احنا مقصرين باعمالنا وصلواتنا واستغفارنا
وانا ابي تشخيص مؤكد احد يأكد الي احنا فيه ابي نغير حياتنا
البيت الي فيه كثيييييير مااعرف انصح مين واخلي
انا كنت مقصره بالقرآن والاستغفار وصلاتي لكن الحين رجعت رجعه قويه لربي
الامل كله بربي وما في يأس بحياتي وربي معنا
وانا الحمدلله رجعتي لربي بأذن الله في ازدياد بديت احافظ ع صلاة الليل وسورة البقره وبستمر عليها ويارب يعينني
لكن اخواني وخواتي فيه تقصير منهم بصلواتهم واستغفارهم ابوي وامي يعطونهم مواعظ بس مايسمعون
الي بالبيت يتضايقون من النصايح الدينيه
عشان كذا ابي احد يشخص حالتنا فينا حسد عين وهو سبب كسلنا في الصلاة والاستغفار
ولا هذي اعمالنا لازم نعدلها ونرجع لربنا رجعه تائبين تكفون الاخصائين انصحوني وارشدوني لتصليح اوضاع اهلي
والله ان امي ماترتاح بنومها بسبب وضعنا ووضع اخواني لا اعمال لا زواج ولا حياة مستقره
وبالنسبه لسؤالك
عن الجامعه لا والله مااقدر ارجع لها لان خلاص صار لي ثلاث سنين متخرجه من الثانويه والسنه هذي الرابعه
درست اول سنه ونص وبعدين تركتها والجامعه ماتقبل من تخرجت لها اكثر من ثلاث سنين
والله الرهاب آلمني كثير والله اني مرات ادخل دورة المياه بالجامعه وانتوا بكرامه وابكي
ماكان عندي صديقات حتى اي وحده تصادقني ماتستمر معي
والحين طمممموحه اني اقدم ع وظيفه ابي اساعد اهلي بشي بس والله مااقدر الرهاب حاجز بيني وبين اي خطوه ابيها
مرات يقولون فيك عين وحسد على دراستك لان تخصصي كان مرا عالي
ومرات يقولون لا هذا الرهاب مرض نفسي فيك
انا محتاجه احد يدلني بالرأي الصحيح تكفون لا تبخلون علينا