[شوق الرحيل]

المشاركة الأصلية كتبت بواسطة يارب اكرمني يالله زياده على كذا ابوي الله يهديه بزيادة انسان عصبي وحمقي وكل شيء اقوله له يقول لا واشرح له يقول ماتعرفين شيء ويطلع اللي اقوله صح يقول انا قايل لك ومعلمك وانا استحي اتجادل معه اقول صح كلامك انت صادق انا كنت غلطانه رغم انني انا اللي على صح مثل يسألني عن مكان معين وأقول له الوصف ويقول لا ويروح مع اتجاه ثاني ويطلع غلط ويقول انا قلت لك من أول انتي لو تعرفين قلتي لي طيب انا قلت لك الطريق الصحيح كذا وانت خالفت واستحيت اجادل وش الحل وكيف وش اسوي ابوي عصبي ويخطيني ويقول انتي غلطانه وانتي وانتي وانا اسكت حيا لأنه أبوي ولأنه معصيه لو ارفع صوتي والمشكله انه مايستغني عني يقول انتي بالذات روحي معاي بس مايقول عشان تعلميني يقول عشان أنا أعلمك انا احيانا أبكي وأتنرفز ولاأقدر اصبر ومرات أٌقول عيب وحرام أبوي مهما كان والد بس نفسي أعلمه وأشرح له الصورة أني أنا الصحيح وأن أنا مو غلطانه هو كل ماقال لي انتي غلطانه اقول صح انا غلطانه وانت صادق انا تعبت حتى بالمقاضي أحيانا والمشتريات اشتري شيء بقيمه مثلا 50 ريال ويقول انا كنت اشتريه ب 45 ضحكوا عليك رغم انه مسعر سعر شركه مافيه تجادل واسكت اقول لا انا غلطانه هو 45 وازيد الباقي من عندي ابي نصايحكم

والله واحلف لك كل الاباء كذا وفيه اباء اصعب بالتعامل واغلب الرجال هم كذا طبعهم وفيه رجال ماتقدري تقولي شئ لهم اول شئ الحمدلله ان ابوك حي وهذا شئ يغنيك عن كل شئ استودعيه الله كل يوم

الاب بالمرحله هذي من عمره يحتاج تعامل انك تسايرينه بكل شئ قولي انت صح وهو شكل ابوك معتمد عليك وهذه علامه ايجابيه لك ربي يسعدك وشكلك انسانه يعتمد عليك ماشاءالله لاقوة الابالله
وصح التعامل بعض احيان ينرفزك ويعصبك لاننا بطبعنا النساء حساسات وانا نفس شخصيتك اي شئ يبكيني ويزعلني ويمكن انا عصبيه اكثر منك لكن حاولي تغضين الطرف عشان تكسبين بره وتنكتب لك حسنات ماتتخيلينها
والله ثم والله اني عايشت ناس كثير وعرفت ان اطباع الكبار تتشابه