سرى الليل وعيون المعنا سهر وحلوم
ورجله على المسرا تحثه ومجبوره
حداه الفراق ولوعة الحظ والمقسوم
بعد مافضح دمعه على خده شعوره
وانا لوتمنيت السعادة وحلو النوم
تجيني مع الذكرى لها ياسعد صوره
تجي كل ماسجيت فكري خطاها اللوم
تجدد غلاها داخل القلب وتزوره
أطيح بهواها وأنتشي له وصل واقوم
ويضوي سراج الحب دربي وديجوره
هنوفٍ نحيلٍ خصرها والنحر مزموم
وياخذ جبين البدر من نورها نوره
يفوح بشذاها غالي العود واليشموم
وتنثر جديل الليل عنقا وسنيوره
عليها من الريحان جرح الحشا مشموم
تلوفه هبوب النود لافاحت عطوره
كتبت القصيد وعانقه عقدها المنضوم
وتمسي جروحي داخل الصدر مقبوره
صحيح انها غابت ومن وصلها محروم
لكني بموت وداخلي ياسعد صوره ..
ــــــــــــــ
الشاعر / نايف الروقي ..