السلام عليكم ورحمة الله وبركاته
أليا جهلت انشد
أليا جهلت انشد ترى مابها عيب
لا تنخدع للجهل وأنت السبايـب
عيب الفتى مافية شك ولاريــب
ترك الفروض وقطع وصل القرايب
والعيب ترك ملازمات المواجيب
وتبع الردى ومجالسة كل خايب
فالتجربة برهان مافية تكذيــب
واليا جهلت انشد من القوم شايب
ولا قول يوجد شايب يعلم الغيب
الغيب يعلم به مدبر الهبايــب
لاشك يوجد شايب له تجاريــب
ومن الدهر شاف الفكر والعجايب
بيض النواصي جبهته كلها شيب
من كثر ما مرت علية المصايب
قد صارع الدنيا على الخبث والطيب
فالغوص وإلا فوق روس النجايـب.
للشاعر/
رشيد الزلامي العتيبي