تمر السنين
تمر السنين مرور الايام يالاهين
تدابيرها بيد الولي مالنا دبره
نعيش الحياة ونعلم ان كلنا مقفين
احد يعتبر منها واحد ينوخذ عبره
نحث المطايا بين عسر الزمن واللين
لافات النجاح التجربة تكسب الخبره
تعبنا نكررها لعل وعساها تزين
ولكن شاب العمر والحلم ياكبره
متى ماتبسمنا يمر الحزن ويبين
على محجر عيون الامل يفرض العبره
ورى شرهة الغالين مانزعل الغالين
لاشق الزمن ثوب الصبر نرتبه بابره
لو جروحي الحية سببها من المقفين
ليا عودو كلن لقاني على خبره
غالي بن ربيعان الحربي