ايمو ايز
هلا بك حبيبتي
...
وحلووو كلامك ان الزم ماعليكي الستر والبعد عن كلام الناس
لكن الاحلى ان تقولي هالكلام عن قناعه تامه؟مو عشان الناس؟ لان اي قرار نتخذه بتأثير ضغط علينا نندم عليه؟
والاحلى ان يكون هالكلام بسبب حبك لزوجك والامل في صلاحه
والاهم الأمل بالله ان الله قادر يصلحه بغمضة عين ويهديه ويصلحه ويسخره لك ويغير من حالك
لاتنسي ان الله على كل شي قدير
وارجوا ان تقولي هالكلام بنفس راضيه.........ولا تجبري نفسك على قوله لعدة اسباب
اولا ماعندك اطفال منه فما في اطفال يجبرونك؟
ثانيا لاتخافي تقولين ما الاقي زوج؟
ترى الرجاجيل ياكثرهم....وهالشي نصيب ...والدليل نعرف ونشوف بنات من افضل البنات وتعدوا الثلاثين بل تعدوا الخامسه والثلاثين وهم ببيوتهم ماتزوجوا
وفيه مطلقات ماتكمل العده الا وهي ببيت زوج ثاني...ويكون كرت هيهي مو متزوج
وانا كثير من قريباتي كذا ومنهم اختي............ يعني هالنقطه لاتفكري فيها
......
لا يأثر على قرارك مثل هلاسباب الثانويه بنظري....
.......
لكن ممكن ناخذها من ناحية ثانيه؟
اذا تزوجتي واحد ثاني؟ بتلاقي فيه عيب ثاني؟ لان محد كامل؟ ما الكامل الا وجه الله
وعلى كذا كل يوم بوجه رجال؟لو نبي رجال كامل؟
زوجك فيه اشياء حلوه واشياء شينه
واي رجال نفس الشي بتلاقي فيه عيوب ومحاسن؟
والمفروض اي مره تتغاضى عنها اذا كانت تحب زوجها ماعداااا بنظري عدة عيوب:
الضراب؟ ليل نهار يضرب؟
الي يشرب ....وخاصة الي يشرب كثير ويأثر على عمله ورزانته امام زوجته وعياله.......وفيه حريم ملتزمات ابتلوا بمثل هالرجال وايضا صبروا....والله عوضهم وهدالهم ازواجهم؟
والبخيل..على نفسه وزوجته وعياله
واهم نقطه .....الكره؟؟
اذا كرهتيه لو فيه ميزات الدنيا كلها مراح تعني لك شي؟
والعكس صحيح اذا كنتي تحبيه بتشوفي عيوبه محاسن
ااااه يختي وعندي وحده من خواتي من هالنوع زوجها لاوسامه ولا مركز ولا اخلاق ويخونها وهييييييييييييييي قمر ومتعلمه واحسن منه بالف الف مره
وتشوووووووووووووووفه شي ولا عمر الشريف بزمانه
وتعامله كنه هارون الرشيد؟
تدري ليش؟ لانها تحبه؟
يعني اهم شي اذا تحبينه حاولي وحاولي وحاولي وحاولي
وانا اتوقع انك تحبينه بس جرح مشاعرك وكسر شي حلو بداخلك؟
بس ان شاء الله مع الايام...خاصة اذا جااكي نونو وانلهيتي فيه
راح يداوي هالجرح
وايضا الغربه احس لها دور بتعبك.......
لان احس نفسيتك تعبانه من عدة اسباب؟
وللاسف رجالنا مو رومانسيين...او اغلب الرجال....للاسف يتعامل مع زوجته انها مثله رجال..وينسى انها امراه ضعيفه رقيقه كلمه تسعدها وكلمة تتعسها
والرسول عليه الصلاة والسلام قال((رفقا بالقوارير))
مدري اتمنى اني اكون فهمت مشكلتك؟
انا احس ان زوجك روتيني لعاب شوي جامد عملي؟ وبنظرري 85 % من الرجال مثل زوجك
ومدري هل تتوقعي لو لاسمح الله بتاخذي من 25 بالميه الي باقيه؟
يمكن ويمكن لا
فالافضل اجلسي على زوجك وبيتك
طالما عيوبه تنبلع بنظري
وطالما ماوصلتي لدرجة كرهه...
بالاضافه ان فيه مميزات.......
زعلك منه ...وعدم تفهمه لنفسيتك واحتياجك له....جعلك تتجاهليها او تنسيها او لاتنتبهي لها؟
واخيراااا((استفتي قلبك ولو افتووك وافتوووووك وافتووووك))
وهالقرار قرارك...............لان الي يده بالمويه مو مثل الي ايده بالنار))
ولا تستعجلي..........................واذا تحبيه اصبري
وسلامتك يالغاليه
وانا شفت رسالتك ......وارسلت لك رساله:)