السلام عليكم ورحمة الله وبركاته
هلا بك حبيبتي....
وانا بقول رأيي المتواضع لكن ارجوا ان لاتزعلي مني؟
اولا
بالنسبه لشغلك؟ وشهادتك؟..الخ
احس الرجل اذا يحب زوجته ويعزها يمنعها من الشغل؟
بعدين هالشيء وظيفته مو ظيفة المرأه ولا خلقت لهالشيء
مهما تعلمنا واخذنا شهادات لكن احلى شي الوحده تاخذ شهاده وتجلس ببيتها تخدم زوجها وعيالها
وانا احس المرأه الي ماتشتغل ملكه؟
والزوج الي مايبي زوجته تشتغل هو يتوجها بهالتاج؟
يختي خليه يكرف ويتعب وانتي ارتاحي؟
ومن ناحية ثانيه الله سبحانه وتعالى قال ((وقرن في بيوتكن)) الله سبحانه وتعالى ادرى فينا وبضعفنا لانه خالقنا سبحانه
فسبحان الله الله عارف ان هالشيء انسب لنفسيتنا وجسمنا..الخ
يعني من النقطه المفروض ماتزعلي لانك ملكه؟
ووالله يا اختي اني احترم اي رجل يمنع زوجته من العمل...واغبط اي زوجه جالسه ملكة ببيتها؟حتى دايم اقول لامي ياحظك انتي وخالاتي مكرمات ومعززات وملكات ببيوتكم....واغبطهم انهم تزوجوا بذاك الزمن..الي الرجل كان فيه يقدر المرأه
..............
من ناحية
بالنسبه لخيانته؟
ادري ان هالشيء صعب وقاسي على المرأه لكن
حلو التسامح والصفح والقلب الأبيض....خاصه انه من الواضح من كلامك انه يحبك؟
نعم يحبك؟ ولا ليش متمسك فيك للحين؟وليش اصلا صبر عليكي وانتي مديتي ايدك عليه؟
ترى هالشي مو هين مهما قلتي؟
وطالما مديتي ايدك؟ فلسانك اكيد اطول؟ وانتي ادرى؟
وابن ادم خطاء ...ومو عيب الانسان يغلط لكن العيب الاستمرار بالغلط......وانا شعرت من كلامك انه بإذن الله تاب من الخيانه؟
واعرف حريم كثيرات...ازواجهم يخونوهم وهم صابرات محتسبات ويقولون..لهم رب يحاسبهم
واعرف وحده متزوجه وبالشهر التاسع وزوجها يقابل وحده ..وهي معهم وعلى اساس انها اخته؟
وغير الخيانات مع الخادمات وووووووووووو
يعني لو كل وحده زوجها خانها بتتطلق؟
مابقي الا قليلات متزوجات؟
وانا ما اقول هالكلام لتبرئته لكن مثل مايقولوا الي يشوف مصيبة غيره تهون عليه مصيبته
وخلك واثقه من نفسك....يعني مو من عيب فيك خانك؟
لا ..من عيب فيه وبتربيته واخلاقه
والدليل حريم تلاقيهم لا نظافه ولا جمال ولا تعليم ولا اخلاق........وتلاقي زوجها مخلص لها
لان يخاف الله...وبيتعامل مع الله
وتلاقي زوجات جميلات متدينات نظيفات متعلمات....وتلاقي زوجها يخونها ولعاب المشكله مافيه شي زين......وله عين يخونها؟
لانه مايخاف الله. ولا يخاف عقابه.ولاهي بملذات الدنيا..وامن مكر الله
ومن ناحية اثارته لغيرتك...فبعض الرجال يلجئون لهلاسباب وحتى للاسف بعض الزوجات يلجأون لهاطريقه
لان فيهم نقص.....فيستلذوا بإثارة غيرة الطرف الثاني لإرضاء غرورهم
لكن للاسف هالأسلوب نتيجته وقتيه
يعني ترضي غروره بنفس الوقت عند اثارة الطرف الثاني
لكن على المدى البعيد تخلق الشك والحقد وربما الكره؟
وهذا مافعله فيكي؟
يعني اتفقنا
انه للحين يحبك؟الخيانه قلنا تخلين قلبك كبير وتسامحينه؟
خاصه الي فهمته انكم بالعشرينات
والرجال بهالعمر لسا صغير عقله؟
مو مثل المره راكز؟ وباذن الله يكون تاب
وتصبرين لان كثيرات مروا بأسوا من ضروفك وتحملوا والله عوضهم خير
وبالنسبه لإثارته غيرتك؟ هالشيء دليل ان فيه عقدة نقص وايضا يدل انه يحبك
ويستلذ بغيرتك؟
واما من ناحية انه يقنع ابوك او امك او اي شخص تشتكين له؟
اممممممم انا احس انك المفروض تفخرين بأن زوجك له قدره عالإقناع؟
لان بعض الحريم مشكلتها
تقول زوجي لا فتح فمه...بمجلس امام اهلي او اي شخص غريب اتفشل
لا اسلوب ولا لباقه ولا يعرف يقوول اي كلمه؟
اممممم يعني ولوو انه استخدم هالشي ضدك لكن خذيها انتي ان زوجك فيه ميزه
انه متحدث لبق يشرفك حديثه امام الغرباء؟
ماتسمعين دايم اهم شروط اختيار الزوج بالمجلات يكون لبق ويتفلسف...الخ
هيهيهيهي اتمنى تكوني معي اون لاين
لاني حاسه اني اتكلم وانتي قدامي والله؟
وودي اهون عليكي؟ وبنفس الوقت
ودي تطالعي بنصف الكأس المملؤء وليست الفارغ؟
وان تنظري لجمال الزهره؟قبل ان تنظري للشوك الي فيها؟
..............
واذا فيه شي حيرني او ممكن استفهامات؟
هو انكم عايشين مع بعض مثل الاخوان؟
مدري....شي غريب..؟؟؟؟؟؟؟
اذا كنتي متأكده انه تاب وماله اي علاقه؟
فيمكن الروتين الي قتلك انتي والمشاكل؟هو نفس الشي؟
حاولي تغيري من حياتكم؟
توددي له ...كل بعد فتره حفله بسيطه مفاجأه له...غيري بلبسك بطريقة الميك اب
بأسلوبك بالكلام معه؟
شوفي ايش يحب فيكي وركزي عليه؟
وسمعت كلام واللبيب بالإشارة يفهم النساء ثلاث انواع:
1- نوع مثل الورده شكلها جدا جميل لكن طعمها مررر..ولو اجبر الشخص على أكلها لكرهها
2-نوع مثل الكيوي شكلها شين لكن طعمها جداا رائع ونتغاضى عن شكلها بمقابل حلاوة طعمها
3-نوع مثل والكرز والفراوله طعمهااااااا رائع وشكلها جداااااااا رائع
والمفروض المره تهتم بهالنقطه كثير ..وانا برسل لك روابط عالخاص...بخصوص هالموضوع بالذات
....
واغلب الحريم يهملون هالجانب!!
.........
ونقطه بتكلم فيها اخيره
ترى ناس كثيرين يعتقدون انهم أسوأ حظ بالدنيا لأن الإستقرار والأمان اصبح عاده لديهم؟
..........
يعني بالنسبه لي
اقلك مشاكلك طبيعيه والالالالالالالالالاف الحريم يعيشون مثل مشاكلك واكثر بكثير وراضيين ويضحكون
وانتي افضل
فهو يصفك بأجمل وافضل الصفات امام الناس ويفتخر فيكي
وايضا
لان شعرت من كلامك انه يكسر ويجبر
وغيره من الأزواج يكسر ويتفاخر بكسر زوجته وذلها وانكسارها
......
وانتبهي لاتتهوري وتتطلقي الا بحاله واحده؟
اذا كرهتيه لاسمح الله
لان يقول المثل كل كره واشرب كره ولا تعاشر كره
واذا كنتي تحبيه تحملي لان تصرفاته مثل كثير من الرجال
وطبعا عليكي بالدعاء
دائما ادعي
بالصلاح والهدايه والله يسخره لك
وسامحيني...انا هذا رأيي ولو كنتي اختي راح اقلها نفس الكلام
واسفه لو الكلام مو مرتب لاني كتبته عالسريع