السلام عليكم ورحمة الله وبركاته.
بغيت أفضفض لكم واخذ رايكم...
انا انخطبت قبل اختي اللي أكبر مني.. وهي أكبر مني ب5 سنوات...
من انخطبت واهي توزني على اللي خاطبني... تطلعلي عيوب فيه مادري من وين...
غير ان فترة الخطوبه ( ماقبل الملكه ) مخيييفه! ودايم أفكر واحتاج أحد ينصحني ويريحني ويطمني... اختي داايم توزني عليه... وتتطنز وتظحك على عيوبه لي درجه انها بدت تحرحني! غير ان فجأة تيي تقزلي عبالج حلوه؟ ترى انتي كريهه!
مادري اهي لما تتكلم عن عيوبه قصدها تنبهني واتحبني وتبيلي الأحسن؟ ولا لأنها غيرانه؟
صرت ماحب أجلس معاها لأن لازم تعلق على خطيبي حتى لو كنا نطالع تلفزيون.. برنامج ماله علاقه في الزواج.. فجأه تعلق عليه!
بديت أفكر اني أتركه من كثر الضغط اللي علي.. مو قادره أفكر موقادره أعرف هو مناسب لي أو لا.. واذا ارتحتله.. أسمعلي تعليق من اخني وارجع أفكر...
اشلون اختي تضايقني؟ أحيان أشوفها فرحانه لي.. بس أغلب الوقت تقول كلام مستفز وجارح!