[حفيد الاسود]

المشاركة الأصلية كتبت بواسطة عبدالرحمن الحربي [ وصية الشاعرة عابرة سبيل لزوجها قبل وفاتها ] ترى الذبايح وأهلهـا مـا تسلينـي ××× أنا أدري إن المرض لا يمكن علاجه أدري تبي راحتي .. لا يا بعد عينـي ××× حرام ما قصرّت يديك فـي حاجـه خذهـا وصاية وأمانـة لا تبكينـي ××× لو كان لي خاطر ما ودي أزعاجـه أبيك في يديك تشهّدنـي وتسقينـي ××× أمانتـك لا يجـي جسمـي بثلاجـه لف الكفن في يديك وخل رجليني ××× ما غيرك أحد كشف حسنه واحراجـه أبيك بالخيـر تذكرنـي وتطرينـي ××× يجيرني خالقـك مـن نـار وهاجـه سامح على ما جرى ما بينك وبيني ××× أيام نمشـي عـدل وأيـام منعاجـه عيالي همّي وأنا اللي فـيّ كافينـي ××× علمّهـم الديـن تفسيره ومنهاجـه فردّ عليها زوجها بعد وفاتها بهذه الأبيات قائلاً : حاولت أنام وحاربت عيني النوم ××× وجرّيت صوتٍ مثل صوت الذيابه والجفن كنه صاير وسطه هزوم ××× ودموع عيني مثل رش السحابه على وليفٍِ قالوا اليوم مرحوم ××× راح وتوفى ما تهنى في شبابه زرت القبور اللي على بعضها رسوم ××× حطيت رسمِِ فوق ذيك النصابه قلبي من الدنيا عليل ومرسوم ××× الوسم توّه عقب خط الكتابه أحبها.. مير القدر صار مقسوم ××× ويحبها كل الأهل والقرابه الموت أخذها وأودع القلب مسلوم ××× جرحٍ عميقٍ ما يداوي صوابه الموت أخذ شجعان ورخوم واقروم ××× وأخذ رسول الله وباقي الصحابه عليه الصلاة والسلام

مـــؤلمــــه جـــــداً .. .. .

شكراً اخي عبدالرحمن .................