سلام عليكم ورحمة الله وبركاته..
اتيت الى هذا المنتدى بعد يأس وحاله نفسيه مؤلمه عساي ان اجد حلآ لمشكلتي ..
انا امرأه على عتبة الثلاثين اخطو..احب التفائل والمرح والنجاح والدخول بمشاريع تجاريه ناجحه والحمدلله..متزوجه ولدي 3 وردات جميلات انجبتهن خلال عشر سنوات من زواجي
..عشت حياتي سعيده جدآ رغم تدخلات ام زوجي المزعجه والمؤلمه جدآ والتي تكاد تطرحني بالمشفى من شدة الألم.. الا ان حبي لزوجي كان سلاح لي بأن انسى واتجنب كل ماحصل ويحصل..
كل هذا وقد كان قبل ستة اشهر من الان(سأكمل بالعاميه ليسهل علي سردها)
فكرت بمشروع ناجح والحمدلله شهد نجاحه على حياتي الاثر القوي من تحسن اوضاعي الماديه
ولكن لألأاسف هذا الشي اغضب اهل زوجي كثير وخلوني العدو لهم رغم والله اني كنت ادور رضاهم
الى ان بدى مشروعي في تدهور ونصحوني بقرأة سورة البقره لأبعاد ان كان هناك شي من الحسد
وفعلآ.....
ابتديت اقرأ سورة البقره و والله الذي لا اله الا اهو اني اشعلت نار لا اعرف مصدرها .
طردوني من البيت اللي كنت اسكن معهم فيه..ظلموني في شرفي ..تركو كل قرايبهم اللي يحبوني ولله الحمد و وصلت لدرجه ان طردو ابو زوجي من البيت اللي كان يحترمني وصبرررررت وطلعت وسكنت بعيد وضميت بناتي وزوجي وابو زوجي معي وكنت اضن اني عشت بخير..واستمريت بالقرأه ويعلم الله اني كنت اتعب كثير بالقرأه وتحملت حتى لدرجة ان عملي تدهور والموظفات اللي فيه في تدهور ونفور من المكان..حزنت واستمريت بالقرأه الا ان صاااااااااااارت الطااااااامه الكبرى
زوجي يهتم فيني كثير ويحبني وكل كلمه حلوه منه اسمعها وهذا اللي مصبرني
زوجي انسان يخاف الله كثير ولسانه رطب ب ذكر الله ..
زوجي انسان محدود العلاقات ..زوجي من عمله الى مزرعته الى البيت...
ابد ابد ابــــــــــــــــــــدا والله ماضن والا اشك فيه الا ان جا يوم لاحضت اذا رن جواله يتهرب مني ..؟؟
وكنت احط الف عذر..
صار صامت ويخاف من زعلي كثير..صار اهتمامه فيني اكثر لدرجه دعتني احاول ابحث سر التغيير
بحثت بجواله وهو نايم طبعأ جواله ابو لمبه لا واتس ولاغيره
بحثت وولقيت له مكالمه لرقم ضل معه ساعتين ونص متواصله بالليل وقت عمله
انصدمت وحفظت الرقم وجسمي يرتعش
شنو بشوف ولا منو راح يرد علي...اتصلت واتصلت ومحد يرد
طلعت اسم الرقم من احد البرامج طلع لي اسم بنت
انتظرته حد مايصحى وسالته من صاحب الرقم هذا وارررررتبك وعلى طول زعل ليش احوس بجواله...؟؟ضقطت عليه والبدايه كذب علي واخرها اعتــــــــــــرف
بنــــــــــــت اتسلى معهـــــــــــــا
ماقدرت حتى اكتم دموعي ...ناضرته وبكى وبحراره انا اسف وسامحيني ....ااااساااااااااامح......؟؟؟!!!!
..زوجي كان سلاحي اللي اتحدى به وكسرني
انا عندي خير كثير وهو انسان متوسط الحال عمري ماحسسته بشي بل العكس اشتريت له اغلى الهدايا واحسن السيارات واحسن المدن اسفره لأني اعشقه وبجنون ويستااااااااااهل بنظري كان ...كنت اتمنى يبادلني الهدايا الا ان بخله يمنعه واعذره بألف عذر
رميت قلبي وجهزت شنطتي وضميت بناتي وبكيييييييييييت بحرقه وخااصه على بنتي الصغيره ..وتركت البيت وساااافرت والله ثم والله اني بالسياره مدري وين اروح..
ماكنت اتكلم لأهلي عن اي شي لزوجي ومخليته انسان كبير بعينهم من حبي له ويحترمونه...رحت لمنطقة اهلي لكن ماقدرت انزل عندهم رحت لأقرب صديقه عندي
وصلت على الليل وحاولت انام طبعآ ماقدرت..حاولت اتصل على البنت حد ما ازعجبتها ابي اعرف وش تبي من زوجي
ابي الاقي عذر اسامح فيه زوجي لخيانته لي
ابي اي شي المهم ارتاح
كلمتها وياريتني ماكلمتها بعد الحاح اعترفت لي انها نامت معه بالمزرعه يوم سألتها لييييييش ..؟؟قالت ترا زوجك يحبك جدآ بس انتي تعرفين الشيطان كيف يلعب بعقل الرجال وتراه معه جوال ثاني واغلب محادثتنا على الواتس...
انسانه غير محترمه ابدأ متزوجه وتنام مع اي رجال بمبالغ ..لكن مع زوجي كانت علاقة حب لألأاسف واتهت بما حرم الله وزوجي هو اللي رايح لها مو هي..
طعني وقتلني واستغفلني ودفن كل فرحه بحياتي
جا يراضيني بعد ما اتصلت عليه وحفلته يقول الصدق طلع كل كلام البنت صح
حاول يعتذر ويحلف لكن وييين وانا وين
انتهيت ودخلت المستشفى من الصدمه ومر 3 ايام ما انام الا بمهدئ
دمرني ودمر كل فرحه بحياتي ..حسيت اني كبرت الف سنه قدام
طلبت الطلاق وبعزم من كثر الوجع اللي صابني والله ماقدر وقتها حتى اتكلم بحرف
..انا انسانه احب واحترم ابو زوجي بشكل كبير سافر زوجي لي للمستفى وجاب ابوه معه نقطة ضعفي
.شفت ابوه وبكيت بحرقه وصار يمسح دموعي بشماغه ويقول امسحيها بوجهي يابنتي وربي مامنك قصور..طبعآ زوجي ماشفته لأني وقتها منهاره
...بعد اسبوع كلمت زوجي عشان البنات وانجبرت ارضى ارجع بشروط برضو عشان البنات
حلف لي انه راح يتغير
حلف انه راح يتوب حلف بكل شي كنت اتمناه منه راح يصير..ولأني اكتشفت اني حامل للاسف....
رجعت وحجزت لي معه لمكه بنية التوبه له وعشان قلبي يرتاح لأني انسانه امشي بروح ميته
كرهته كرهته كرهته بمعنى الكلمه كرهت اسمع صوته وحتى اني اشوف زوله تعبت اسأله يدور لي عذر لخيانته يحلف اني ماقصرت معه بشي ويحط عذره انه شيطان لعب عليه
لكن مهما قال وربي ما اصدقه ومرت 6 شهور وانا وربي ما انام الا بتعب والشك ذبحني وتعبانه كثير وعايشه حياتي بتقلبات مزاجيه وبكل لحضه اتذكر خيانته
واموت لاطلعت معه بمكان عام ونظراته للبنات اللي صارت تهلكني وتذكرني بكل شي...
رغم انه حلف لي ويناظر البنات....وينكر...
الان انسانه منتهيه مريضه اكره زوجي بشكل كبير وامثل عليه اني نسيت
تعبت افكر وش مخليني اصبر غير البنات تعبت من ظلم اهله
تعبت افكر ليش خاني وايش اللي ينقصني بعينه ؟؟وليش الدنيا انقلبت علي فوق تحت وليش صارت حياتي جحيم
وهل برجع انا لحياتي اعييييييييييييش...؟؟؟؟!!!!
اسفه من كل قلب على الاطاله لكن اتمنى الاقي جواب شافي