السلام عليكم ورحمة الله وبركاته
في تسعين طقاق
مشتاق لك واخاف اقول إلك مشتاق
وتضيع مابين التغلي وشوقي
واصبح ضحيه للتغلي والاشواق
وتروح شوف العين اغلى حقوقي
تعال زملني عن إعجاب واذواق
من حزة الاشفاق لين الشروقي
قد قلت لك إن الغلا طنب و رواق
والقلب خيمه وانت ساكن خفوقي
بنيت لك في داخل عروقي احداق
وغلاك مايسري ترى في عروقي
الا يسير عرق وعروق واعراق
يلفي ويقلط بين عيني وموقي
له سوق ماينزل ولا يعرف إغلاق
السهم حب وصادق الشوق سوقي
فديتك إي والله من الراس للساق
وفديت عودك لو تسبب في عوقي
تعبت ادور لجل عينينك إلحاق
والحقت راس المال ذودي ونوقي
لكن على الله رزقي وكل الارزاق
هو كافل رزقي وعيشي وشوقي
غيرك إذا قفى في تسعين طقاق
ولا انت لا قفيت طقت عروقي
راقت لي