بتهيألي دي مشكلة
وليها اكتر من جهة في حلها
ــــــــ
نبدا بالقران
ربنا سبحانه وتعالي قال
( ومن صبر وغفر ، فإن ذلك من عزم الامور )
دا من اصعب الامور اللي في الدنيا
ــــــــ
لكن لو اخدنها باسلوب الحب
فدا بيختلف وبيتوقف علي درجة الجرح اللي انجرحته
ـــــــ
انا بالنسبة ليا ممكن انسي اني انجرحت
بس مقدرش انسي مين اللي جرحني
ــــــــ
لكن صدقيني يافرحة حتي لو الانسان سامح وغفر للي جرحه ورجعوا لبعض
صعب انهم يبقوا زي الاول
وزي ما بنقول في امثالنا
صعب ترجع المية لمجاريها
ــــ
لازم يبقي في حاجز ما بينهم
بيفضل الذنب والاحساس بالجرح موجود طول العمر
صعب انساه
دا مستحيل جدا
لان من اصعب الجراح في الدنيا
جرح الحبيب وخصوصا لو كان قريب مني جدا
ـــــ
واحكم عليها بطريقة تانية
ان هو مثلا ساب حبيبته اللي حبيته من كل قلبها
وجري ورا واحدة تانية
وبعدين رجع ندمان
يبقي لازم يفضل ندمان طول العمر
ــــ
لو كانت الظروف اللي فرقتهم عن بعض وقربتهم تاني
فمن السهل جدا ان الحبيب يسامح حبيبه
ــــــــ
في مثل جميل جدا يا فرحة احب اقوله
( متزعلش علي اللي حبيته وخلاك ، وازعلي علي اللي حبك وخليته )
بمعني
ان انا مزعلش علي اللي حبيته وسابني
وكن ازعل علي اللي حبني وسيبته
ــــــــ
الكلام في الموضوع دا كتير
واختلاف الاراء فيه اكتر
بس انا بتهيألي وضحت بعض الامور اللي يكون الغفران سهل فيها
وبعض الامور اللي يكون الغفران أصعب فيها
ــــــــــ