الصاحب اللي يرفع الراس نشريه
نوفي له الميزان ونكرم جنابه
ونزيد في حقـه وناخـذ ونعطيــه
ولانسمع النمام مهما حـــكى به
نبقى على طول الزمن في حراويه
ونفز لامنا. سمعنا. جــوابــــــه
يالله عسى الطيب على هقوتي فيـه
لاجا نهارا ... فيه قامت حــرابه
ويالله حي اللي ليا. احتجت ندعيـه
أنا. أشهد أنه فالمواقف .. يجابه
نفرح ليامنا. مشينا. نخاويــــــه
الجود طبعه والمراجل زهابــــه
وليا. نخيته فز ماقال لك ليــــه
ياسعد منهو فالمواقف غــزابه
حي القبيله وحي منهو مربيـــه
الاصل واحد والذيابه تشـــــابه
والا الردي والله ماني بداعيــــه
عندي تساوى في حضوره غيابه