[الحسنى]

الطفل اللزقه
تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم .. ياكثر ماينضرب .. وخاصه من اخوانه اللي اكبر منه .. او خواته ..لانه عباره عن رادار على طلعاتهم ..احياناً يضطرون يطلعون من شباك البيت للهروب منه ..
ولكن للأسف يلاقونه بانتظارهم في السيارة ..ويسألهم ليش تأخرتوا عليّ ..

(( الله يعين اهله عليه ))

الطفل الهادي
هذا الطفل ماله صوت ابد .. وين ماتحطه تلقاه ..احياناً يهملونه اهله .. لانهم ناسينه .. واحياناً يلقى اهتمام زائد من اهله ..

لو يموت من الجوع ماتكلم .. في كثير من الاحيان تلقى اهله ناسينه بالسوق او عند الاقارب اثناء الزيارات ..

(( الله يعينه على أهله ))
الطفل القوي
اهله دائماً في احراج و مشاكل مع الناس ..هرمون الاجرام مرتفع بنسبة عالية في جسمه .. في كل جبهة طفل في ( منطقتهم ) تلقى له أثر وتوقيع ..
(( ماخذ حقة بزيادة حبتين ))

في الختام ما فيه أحد كامل الكمال لله