قال الشاعر المعروف مـحـسن الهـزاني في رثاء زوجـته :
أنا الذي من حر فرقـاك فرّيـت =وأنوح كالبهلول في وسط الأسواق
يا ما طلبت الله ويا مـا تمنيـت = ويا ما دعيته عند حزات الأشراق
وياما دعيته في المساجد وصليت =وياما شحذت الله قسّـام الأرزاق
يبني لحالي من جنان العلي بيـت =ومن الثمر نقطف ثمر كل ما لاق
عسى إلى رق البكا واستمريـت = بمنقشات الريش زينات الاطـواق
وإستانست روحي لروحه ودشيّت =سوقه ووافق مرتي حين ما واق
وقال مخـاطباً قبر زوجـته :
يا قبر ما تنباج ننظر بالأعيـان = صفوة هل الدنيا بحسن ونظـري
يا قبر هذا يشبة لحور الأعيـان =غروٍ نزل يحكم به الموت سكري
يا قبر هذا سيد غضات الأبـدان=هايف ومهضوم لوسط وخصري
يا قبر هذا نور عيني بالأوطـان = قرة عيوني بين بدو وحضـري
يا قبر هذا مدة شهور وأزمـان = عليه دمع العين بالليـل نثـري
يا موت ما تاخذ عن الشوق الاثمان=احكم بكل شي وانا منـك باشـري
وبنادر الشاهات والهنـد وعمـان=والبصره الفيحا مع ملـك هجـري
مع كل ما يجنون حضـر وبـدوان = أسوقهم باللي كمـا خـط عفـري