[محبة الدين]

اول ماقريت موضوعك تذكرت حالتي قبل ست شهور سبحان الله نفس المعاناة كانت بشرتي صافيه ولا حبه فيها وفجأه ظهر فيها حبوب غريبه وحمراء بكامل وجهي حتي الجبهه وحوالين الانف لدرجه ان الكل استغرب وش سالفتها تعبت نفسيا منها مثل الجرب صابني ماخليت شي ماحطيته علي كل مامدحو كريم او خلطه رحت سويتها بس مافاد اخر شي رحت لدكتوره وهاوشتني علي استخدام الكريمات وقالت بشرتك تعبانه منها تخيلو صار وجهي كله شعيرات حمراء من استخدام الكريمات صارت بشرتي مررره رقيقه مو قادره احط شي عليها خلاص
وصرفتلي كريم مقشر اسمه احماض الفواكه غالي سعره وعسي ماعاده استخدمته وياليتني مااستخدمته حرق وجهي ونصيحه لكل اللي تقشر وجهه تلتزم بالاستخدام لا شمس ولا هواء ولا حراره ولا غبار كل هذا ممنوع انا يوم استخدمته خرب وجهي بزياده وانهرت وتعبت نفسيتي بزياده ورحت لدكتوره ثانيه وقالت غلط تحطين مقشر والحبوب موجوده لازم تعالجين ظهور الحبوب بعدين المقشر لازاله الاثر المهم اخر شي ولله الحمد صرفت لي حبوب نسيت اسمهن ينشفن الحبوب ويمنع ظهورهن عشان تبدا بمرحله التقشير واستخدمتهن الحمدلله اسبوعين ولاحظت ان الحبوب وقفت عن النمو يعني ماظهر لي حبوب جديده وبعدين عطتني كريمات ونصيحه تبتعدن عن الكريمات اللي فيها كورتيزون صرفت لي كريم اسمه هاي كوين هذا ممتاز جدا وكمان مقشر اسمه اكراتين 5% قالت تخلطينهم مع بعض وتحطينهم علي مكان الحبوب بس واستخدمتهم والحمدلله بدت الحبوب تتقشر بس بهالفتره تنتبهين من كل شي يضر بشرتك تستخدمين واقي شمس ولا تقربين من الفرن وبعدالتقشير بأسبوع او عشر ايام صرفت لي كريم مبيض اليكا تحطينه علي الحبوب وطبعا استفدت منه مررره والحمد لله فرق كبير اختفت الحبوب وبقي اثار بسيطه وطبعا كريم اليكا ماطولت فيه لان بشرتي تعبانه من الكريمات وهو فيه نسبه بسيطه كورتيزون بس حلووو تستمرون عليه اذا بشرتكم زينه مو مثلي المهم استبدلته الدكتوره بكريم الدكوين4 وهذا ممتاز ايضا وقالت لي اخلطه مع كريم الفاكورت واستخدمته اسبوعين والحمدلله راحت الحبوب والحين احمد ربي لان اللي يشوف وجهي قبل مايصدق انه صار كذا هو صدق انه مومثله قبل ظهور الحبوب بس الحمد لله شي اهون من شي
ادري طولت عليكم بس قلت اكتب لكم تجربتي ومعاناتي بالعلاج والحين فيني حبوب بسيطه بس تظل جنه عند اول
اتمنى انكم استفدتو وابي منكم دعوووووه في ظهر الغيب
واتمنالك الشفا