[عبد الله الصالح ,,]

السلام عليكم ..
وآعــذاب القـلـب والعـاشـق وآعـذابـه **
كيـف يصبـر قلبهـا لعشـق العـذاب ..

عشق في قلبيـن والسـاري سرابـه **
لين صار العشق من قلـب لسـراب .،

غاب عنها وأرسل الساعي جوابـه **
قلهـا بنغمـة حــزن نــص الـجـواب ..

ودعـك والحـيـن يـرقـد فــي تـرابـه **
وسـط قبـره بالثـرى تحـت التـراب ..

قالـت الله يرحمـه ويحـسـن ثـوابـه **
جعـل ربـي يقبـلـه بحـسـن الـثـواب ..

وامــا انــا بعـاهـده حـتــى بغـيـابـه **
الحبيـب اللـي رحــل عـنـي وغــاب ..

غـاب عنـي بلبـس الحـزن وثيـابـه **
والـهـوى ماعـادلـه عـنـدي ثـيــاب ..

بعدكـم يـا ( ... ) قلبـي صـك بـابـه **
ضـاع مفتـاحـه وتسـكـر كــل بــاب ..

قصـة اللـي حــب فــي أول شبـابـه **
قـصـة ٍ مــا عاشـهـا كــل الـشـبـاب ..

لجـل حضـرة حبـهـا ببـكـي جنـابـه **
وأذكر الحب الوفي ضافي الجنـاب ..

أسمهـا عذبـه وهـي دمعـة سحـابـه **
كل ضامـي يعشـق دمـوع السحـاب ..

تشبه النسمه فـي جـو ٍ بـه ضبابـه **
مـا حلـى نسمـة هواهـا والضـبـاب ..

يـا أمـيـرة شوقـهـا وقـمـة صـوابـه **
ما يصير الشوق من غيرك صواب ..
مما راق لي ,,