أولادك ما يصلون أومتعبينك ؟ تعالوا شوفوا كيف تغيروهم بإذن الله تعالى
________________________________________
تقول إحدى الأخوات :
بقول لكم قصة صارت لي أنا
كانت بنتي بخامس إبتدائي..
وثقيله الصلاة عليها.. لدرجة إني يوم قلت لها قومي صلي وراقبتها
لقيتها حاست جلال ( شرشف ) الصلاة ورمته على الارض وجتني
قلت لها صليتي قالت إيه..صدقوني لاشعوري عطيتها كف
أدري إنه غلط.. بس الموقف ضايقني وبكيت وخاصمتها ولمتها وخوفتها من الله
ومانفع معها كل هالكلام ..
لكن بيوم... قالت لي وحدة قصة.. منقولة ..وهي إنها زارت قريبة لها عادية ليست كثيرة التدين
لكن يوم حضرت الصلاة قاموا عيالها يصلون بدون ماتناديهم ولا تهاوشهم
تقول .. قلت لها : كيف عيالك يصلون من نفسهم بدون خصام وتذكير ؟!!!
قالت والله ماعندي شي أقوله لك إلا إني من قبل أزوج وأنا أدعي الله بهذا الدعاء
أنا بعد هالسالفه لزمت هذا الدعاء ..في سجودي وقبل التسليم وفي الوتر ..وفي كل اوقات الإجابه
والله يا أخواتي.. إن بنتي هذي الآن بالثانوي.. من أول مابديت بالدعاء وهي التي تقومنا للصلاة وتذكرنا فيها
وأخوانها كلهم ولله الحمد حريصين على الصلاة
حتى أمي زارتني ونامت عندي ولفت إنتباهها ان بنتي تصحى وتدور علينا تصحينا للصلاة
أدري
تبون تعرفون هالدعاء
في سورة إبراهيم
(((رب اجعلني مقيم الصلاة ومن ذريتي ربنا وتقبل دعاء )))
منقول للفائدة