[خلووووود الخالد]

أيامـنـا والليـالـي كــم نعاتبـهـا =شبنا وشابت وعفنا بعـض الأحوالـي تاعـد مواعيـد والجاهـل مكذبـهـا =واللي عرف حدها مـن همهـا سالــي إن أقبلت يـوم مـا تصفـى مشاربها =تقفي وتقبل وما دامـت علـى حالـي فـي كـل يـوم توريـنـا عجايبـهـا =واليوم الأول تـراه احسن مـن التالـي أيـام فـي غلبهـا وايــام نغلبـهـا =وايـام فيـهـا ســوا والـدهـر مـيالــي جربـت الأيـام مثلـي مـن يجربهـا =تـجريـب عاقـل وذاق الـمـر والحالـي نضحك مع النـاس والدنيـا نلاعبهـا =نمشي مع الفي طوع حيث مـا مالـى كـم مـن علـومٍ وكـم آداب نكسبهـا =والشــعــر مـازون مثقـالٍ بمـثـقـالـى اعرف حروف الهجاء بالرمز واكتبهـا =عاقل ومجنون حاوى كـل الاشكالـى لكـن حظـي ردي والـروح متعبهـا =ما فادني حسـن تاديبـي مـع أمثالـي إن جيت ابي حاجـةٍ عـزت مطالبهـا =العفو ما واحـدٍ في النـاس يـا والـى قـومٍ الـى جيتهـم رفـت شواربهـا =بالضحك واقلـوبها فيهـا الــردا كالـى وقومٍ الـى جيتهـا صكت حواجبهـا =وابد ت لي البغض في مقفاي واقبالي ما كـنـي إلا حال مغضبـها =والكــل فـي عشرتـه ماكر ودجـالي يا حيف تخفي أمـوراً كنـت حاسبهـا =واللي علــى بالـهــم كلـه علـى بالـــي الجار جافـي وكم قـومٍ محاربها =والأهـل وأصحابنـا والدون والعالـي والروح ويش عذرها في ترك واجبها =راح الحسب والنسب في جمع الأموالي نفسي تبى العز والحاجات تغصبها =ترمي بها بـيـن أجاويـد وانذالي المـال يحـي رجـالاً لا حيـاة ابهـا =كالسيل يحي الهشيـم الدمـدم البالـي عفت المنازل وروحـي يـوم اجنبهـا =مــنها غنيمـه وعنهـا البــعـد أولا لـي لا خير في ديرةٍ يشقى العزيـز ابهـا =يمشـي مع النــاس فـي هــمٍ وإذلالـي دارٍ بهـا الخـوف دومٍ مـا يغايبـهـا =والجوع فيها ومعها بعـض الاحوالـي جوعـى سراحينهـا شبعـى ثعالبهـا =الكلـب والهـر يـقـدم كـل ريـبـالي عز الفتى راس مالـه مـن مكاسبهـا =يا مرتضــي الــهون لا عـــزٍّ ولا مــــالـي دللت بالروح ليـن ارخصـت جانبهـا =وانا عتــيبـي عــريـب الجـــد والخــالــي قومٍ تـدوس الافاعـي مـع عقاربهـا =ولهــا عــزايـم تهـد الشــامـخ الــعالــــي خـل المنـازل وقـل للبيـن يندبـهـا =يبكـي عليهـا بدمــع الــعيــن هــطالـــي لا تعمـر الـدار والقـالات تخربهـا =بيع الــردي بالخسـاره واشتـر الغــآلـي ما ضاقت الأرض وانسـدت مذاهبهـا =فــيـهـا السعـــه والمراجـــل والتفـتـــالِ دارٍ بــدار وجـيـرانٍ نقـاربـهـا =وارضٍ بـــأرض وأطـــــلالٍ بــأطــلالــي والناس اجانيب ليـن إنـك تصاحبهـا =تكـون منهـم كمـا قــالـوا بــالأمـــثالـي الارض لله نمشـي فــي مناكبـهـا =والله قــــدر لـنـــا أرزاقـــ وآجـــــالـي حـث المطايـا وشرِّقهـا وغرِّبـهـا =واقطع بـــهـا كـــل فــــجٍّ دارسٍ خـالـي واطعن انحور الفيافـي فـي ترايبهـا =وابعد عن الهم تمســـي خالـــي البالـي مـن كـل عمليـةٍ تقطـع براكبـهـا =فـــدافــد الــبـيـد درهــامٍ وزرفــــــالـي تبعـدك عـن دار قـومٍ ودار تقربهـا =واختــــر لنفســـك للمــنـزال منـزالــــي لو مـتّ فـي ديـرةٍ قفـراً جوانبهـا =فيها لوطى السبـاع الغبـس مدهالــــي اخيـر مـن ديـرةٍ يجفـاك صاحبهـا =كـم ذا الجفـا والتجافـي والتعلالـــــي دوس المخاطر ولا تخشـى عواقبهـا =المــوت واحــــد وبعـــد العـز يجلالـــي ان المنـايـا إذا مــدت مخالـبـهـا =تدركك لو كنت في جو السما العالـــي ما قرت الاسـد فـي عالـي مراقبهـا =تسعى على الرزق ما حنت للاشبالـــي والشمس في برجها والغيـم يحجبهـا =تقفي وتقبل لها في العـرش مجدالـــى رب السماوات يـا محصـي كواكبهـا =يا مجري السفن في لجـات الأهوالـــي ضاقت بنا الأرض واشتبـت شبايبهـا =والغيث محبــوس يا معبـود يـا والــــي يـا الله مـن مزنـةٍ هبـت هبايبـهـا =رعادها بات له فـي البحــــر زلزالــــي ريح العوالـي مـن المنشـا تجاذبهـا =جذب الدلى من جباء مطويـة الجالــــي ديمومـةٍ سبلـت وأرخـت ذوايبـهـا =وانــهل منهـا غزيـر الوبـل همالــــــي تسقي ديـاراً شديـد الوقـت حاربهـا =ما عاد فيها لبعـض النـاس منزالـــــي يـا جاهـل اسمـع تماثيـلاً مرتبهـا =فيها معانـي جميـع القيـل والقالــــي مثـل المحابيـب زادت فـي قوالبهـا =في صرفها زايده عن قرش واريالـــي يا ربـي توبـه وروحـي لا تعذبهـا =يوم القيامه إذا مـا ضاقـت اعمالــــي وازكى صلاةٍ على المختـار نوهبهـا =شفيعنـــا يـوم حشـرٍ فيـه الأهوالــي

أبيات تستحق ان تكتب بماء الذهب

رحم الله الشاعر بديوي الوقداني

وشكرا على النقل