[شهلاء]

امل ......

الله يرحمه يااااااااااااارب

ويصبركم ويرحمنا ويرحم موتى المسلمين

ذكرتيني حتى انا بجدي حبيبي........كان فخور فيني
دايم يقول هذي عن مية رجال هيهي

وكان يشوفني شيييييييييييي ياحليله الله يرحمه

وكان يعطيني فلوس كثيره كني نونو(*:_:*)

كل ما اجيه يعطيني بالدس فلوس

ويعيدني....عيديته اكثر عيديه تجيني



........

تصدقي امل.............توفى جدي قبل ثلاث سنوات
وغيرت جوالي كذا مره والشريحه.....لكن الى الان محتفظه بجوالي برقم مخزنته بالايام الاخيره بحياته لممرضه كانت تجيه تعطيه ابره اسمها صفاء
وكأني ارفض فكرة موته استغفر الله
الله يرحمه ويرحم جدك ويرحمنا

......

امممممم واتذكر يوم وفاته شفت منظر ما انساه
جدتي طايحه يم جدي
وشكلها دخلت بغيبوبه
وتنشد مدري اناشيد غريبه مدري تغني
المهم مثل والله مضارب الباديه...الي بالربابه..تعرفين كيف ينشدون؟

المهم
والله امل قطعت قلبي
طايحه وتنشد مثل البدو بصوت يحزن وحلووووووو
مدري ايش كانت تقول بس اذكر تقول يابو صالح اه يابو صالح
الى اللقاء
وتنطق القاف قا بلهجة العجايز

الى اللقاء يابو صالح الى جنة الفردوس

موعدنا بجنة الفردوس يابو صالح


يالله بغيت اموت يوم شفتها كذا
الله يرحمه الله يرحمك ياجدي
وياجد امل
ويا كل الاجداد والجدات


اموووله اسفه اني طلعت عن موضوعك بس مالنا غير الصبر والدعاء لهم بالرحمه
واحتساب الاجر......ولا ننسى ان الميت يعذب ببكاء اهله عليه وحزنهم الشديد


..

وأسالك ياالله العظيم الرحيم اللطيف الودود الذى كتب على نفسه الرحمه
ذو العرش المجيد...ذا الفضل العظيم والمنن الجزيله...
بأن تغفر له وترحم شيبته وضعفه وتنقيه من الذنوب كما ينقى الثوب الابيض من الدنس
وتكرم مثواه ياكريم...وتؤنس وحشته يارحيم
وبأن تجعل قبره روضة من رياض الجنه...وبأن تمد له قدر بصره في قبره
وبان يكون مماته خيرا واحب اليه من حياته....
وتجعله من سكان ا لفردوس الأعلى من الجنه
فيارب استودعناك جدي الطيب ..ياخير مستودع

يارب انت عالم بوقفة جدي معي بكل أزمه مريت بها فارحمه يالله كمارحمني
وتجاوز عنه واغفر له.....ياارحم الراحمين