[رذاذالمطر]

المشاركة الأصلية كتبت بواسطة شوق تبوك يالله حيهم <<<< شوفي رذوذه وربي هذي موتتني ضحك هههههههههههه مالكم في طولة الحكي قصتنا عن رجال إسمه حجاج وقام أبو الشباب سرداد مردادي على قريه على طاري سرداد مردادي هاكم البيتين هذي: يامل قلـبٍ بنـات البـدو تلنـه =وانا على دربهن سرداد مـردادي احب بنتٍ تسوق السقس والدنـه =واليا غدا الذود جتك تصيح وتنادي مطنوخةٍ تقنص الضبـان بالكنـه =ياعل يفدا البنيـه كـل صيـادي doPoem(0) نرجع حق محور حديثنا والمهم حجاج هذا بيع نص حلاله عشان يروح يشتري مونه لأهله (( عز الله إنهم فلوها )) طبعاً تعرف الرجال على القريه وعلى أهل نوره وصار بينهم مقابلات وجلسات سمر أقولكم فالها الرجال من جد وجاء يوم من الأيام شخص اخونا في الله وتزكرت رايح لها أبو الشباب يحسب فيها سوالف وناسه زي كل مره. إلا والله نوره واهلها قشعوا من الديره كلها مغار محلهم. قام يتنشد عنها يتنشد لكن للأسف دون جدوى محد اعطاه علم وان راحوا ويضيق صدره الضعيف وقال هذي دبرة الله وماشاء فعل (ياغلي عنه غلاه) ومره السنين وتسنه نساها <<< القلب ملعون ما ينسى من يوده وفي هاك السنه جاه واحد من اخوياه توه مطلع ونيت جديد بتغبيرته قاله اراحك نبا نتمشى على هالونيت نبي نمرررنه توه جديد وبعد نبا نروح لديرة الفلانيه (ديرة نوير) ابالي رجال فيها لي عازة عنده قاله حجاج مشانا والله انه ضايقن صدري بعد . وراحو يتمشون في هالبران والوناسه مالهم مع الشيطان طاري والمهم وهم ينصون ديرة نوير حبيبة القلب ويوم دخلوا الديره الا والله خويك انت ياحجاج ناصي حارة نوره الا يوم دخل الحاره الا يوم قرب من بيت نوير وقلب حجاج قام يرقع تنسه سامري الا يوم وقف قدام بيت نوره اثر الرجال الي هم يبونه جارٍ لتس يانوره ساكن بجنب بيتهم ( اكيد بجنبهم موب جارهم ) نزل خوي حجاج يطق الباب على خويه. وحجاج جالس في السياره طايره بوهته في بيت نوره الطيبن الا يوم قام يتنهد ويعاين في بيت نوره ودرجه وابراج الحمام وسراج معلق (( اكيد بتقولون شلون شاف هالشغلات وهو واقف برى؟؟ مايبيلها ذكاء جدار البيت منهد )) المهم وهو وتذكر ايام التديت والاناسه والسوالف والضحك وهو يتهيض الماخوذ ويقوم يشيل هالقصيده تفضلوا اقروها: ليت حجاج غزاء مـا داج = في حي نوره واهـل نـوره نقض علي الجروح وهـاج = قلـب تذكـرغـلا نــوره هيض شجوني درج وابراج = بيـت تنحـت عنـه نـوره ماكن في البيـت حـي داج = من نسل نوره واهل نـوره يابيتهاالطين يا بـو سـراج = بالله عينـت لـي نــوره جاوبني البيـت يـا حجـاج = تنشد وانا انشدك عن نـوره ادعج غنج من حرج واحراج = حلفت منسـا غـلا نـوره اتلا العهد يوم حضي مـاج = يا طالب العلم عـن نـوره قلت انت ثابـت وانـا دواج = لكن اوصيـك فـي نـوره ان كان مرتك قـل حجـاج = جانـي يـدورك يـا نـوره يقول ما للجـروح اعـلاج = الاسوالفـك يــا نــوره انتـي غنيـه وانامحـتـاج = للوصل تكفيـن يـا نـوره وانـا علـي فرخةالميـراج = بواصل البحث عـن نـوره doPoem(0) ============= ترجمة الكلمات <<< ماقال معاني وش عنده المونه: هي الزاد مثل التمر والطحين واشياء اخرى واحده: يعني وحده بنوته نعومه تهول رعابيب القلب: جمله تستخدم لتهويل الشئ يعني مدري وش لون اشرحها مشوها سرداد مردادي: يعني رايح جاي تلنه: يعني سحبنه شدنه الي تبون والنون نون النسوه السقس: الشاحنه الكبيره التريلا مثل حقت الشعير الدنه: الديانا << شدد الياء هي اللي اكبرمن الونيت واصغر من التريلا الذود: هي الجمال التي يتعدى عددها اكثر من 20 بعرونات الى اربعين تقريبا مطنوخة: يعني وحده ذربه شقرديه الضبان: حيوان مهجن بين الظاطور (البريعصي ) والتمساح بالكنه: هي عز الصيف الي ماينفع معها مكيفات قشعوا: يعني رحلوا نقلوا يتنشد: يسأل عنها وان راحوا: وين راحوا وتسنه نساها: كأنه نساها في هاك السنه: يعني ذيك السنه <<< وكل ما مديت الالف هااااك يعني قبل اربعين سنه قاله اراحك: يعني قوه مشينا نروح نهجول نبا نتمشى: نبي نتمشى ابالي رجال: ابي رجال اله عازة: له حاجه << مدري وشهي الحاجه هذي توب سكرت مشانا: مشينا مبطي: من زمان وسلامتكم

هلا والله بالغالية شوق......تري الصورة ششششي .....كخخخخوكخخو...


حياك الله يابعدجــــــــــــــــــــــوفي والله ,,,,وسالفتك...ياحلوة.....من حلاة راعيته....


سمي هالفنجال....................