السلام عليكم ورحمة الله وبركاته
*******
البقلاوة الحارة
بالنسبه للعجين : كوب زيت + كوب زبده + كوب حليب + خميره فوريه + دقيق
بالنسبه للحشو : صالصه حمراء زي متاع البيتزا او هريسه + بطااطا مقليه تكون دوائر + بادنجان مقلي دوائر + كوسه مقليه دوائر _ لحم مفروم طايب زي الكيمه مع بصل وفلفل اسود وملح بس _ جبنه شرائح
نجوا للطريقه:
تاخدي العجينه وتعجنيهن مع بعض كلهم مرة وحده بالدقيق انتي وعينك لين تكون متماسكه زي عجينه البيتزا
وتخليها تخمر لين توتي الحشو
بعدها تاخدي العجينه وتقسميها على اتنين تفردي نصها في طاجين مش لازم مدهون لان العجينه اصلا دهنيه
وتساويها وتعلى الاطراف متاعها
بعدين تدهنيها بالصالصه او الهريسه
بعدين تفرشيها بطبقه المفروم
بعدها طبقه البطاطا المقليه وبعدها البادنجان ولازم ماتخليش فراغ زي الصورة
وبعدها الكوسه ولازم بين كل طبقه والتانيه تمشي عليها زي الخيوط ببيضه مضوبة تكوني موتيتها جنبك باش يشدوا بعض ومايفترشوش
بعدها تغطيها كلها بجبنه الشرائح وعدها باقي العجينه تفرديه وتغطي بيه الطاجين زي الصوره وتقسميها بموس من فوق بس ترسمي عليها رسمه البقلاوة وتحطي في كل رسمه زيتون زي الصورة
وبعدها تدخليه للفرن وتحمريه على نار هاديه
بعد ما يطيب تخليه شويه يبرد وبعدين تمشي على الرسمه متاعك للتحت وتقسميه زي البقلاوة وهذا شكلها بعد ما طابت
وهذا طرف يبين الطبقات ويبين العجينه كيف هشه
والطرف لاول وحده ترد
م/ن