[امنيات العتيبي]

المشاركة الأصلية كتبت بواسطة تناهيد القدر السلام عليكم يالغاليه واضح جدا انه عندك مشكلتين اولا اهتمامك بالاحلام : لاتتعلقين فيها كثير هالي يزيد من تعبك النفسي ولاتهتمين لها كثير واضح انك تشوفين احلام كثير وهذا دلالة على ان مو كل الاحلام لازم تتفسر او يكون لها معنى الشي الثاني حتى لو تفسر لك حلم لاتجزمين بوقوعه لان التفسير مبني على الظن فقط لا غير واللي مبني على الظن يحتمل الخطأ والصواب وكلي امرك لله انسي الاحلام اللي تشوفينها ولاتشغلين نفسك بتفسيرها الامر الثاني : الدعاء مثل ماذكرت الاخت الفاضله اللي قبلي ربي يوفقها انه قالت الدعاء للغير بظهر الغيب مستجاب هذه نقطه النقطه الثانيه انه انتي لما تدعين لهم تدعين بصدر رحب وانشراح ويقين صادق انتي ترسلين الدعاء لله وتنسينه وتكونين واثقه بالله ولا تشغلين بالك بها عشان كذا تصيب وتستجاب لكن لما تدعين لنفسك يكون عندك تردد وخوف وقلق وهم من انه مادري يستجاب لي او لا ومتى وكيف ياربي هالشي يصير ومن هالامور اللي تشغل الخاطر اليوم ادعي لنفسك بنفس وضع دعائك لغيرك صدقيني راح تستجاب ادعي وانتي مبسوطه ومنشرح صدرك وبدون قلق وهم وتفكير باللي تدعين عشانه ارسلي دعواتك لله وانسيها ولا تفكرين فيها وثقي ان الله يستجيب لك قوي ثقتك بالله داخل قلبك اعرف انه عندك ثقه بالله لكن ينتابك خوف وقلق بسيط لازم يكون عندك يقين صااادق وصافي لدعاء والاستجابه لنفسك واهم نقطه بكل الموضوع قوي عزيمتك وثقتك بنفسك فقط وقت تدعين لنفسك استودعي طلبك لربي وكوني موقنه بالاجابه وان رادوك شك او قلق او خوف حاولي تمحينه على طول بانك تقولين بنفسك انا اثق بالله بصدق ويقين كل ماحصل داخلك قلق كرري الثقه بالله داخلك وتحدي الخوف والقلق داخل وبتنجحين الله ييسر امورك ويحقق امانيك ويستجيب دعواتك

الله يفرج همك ويسر امرك بالظبط انا كنت محتاجه هالكلام فعلا انا اتعلق بالاحلام اشوفها امل لان ما بواقعي شي ودايم اطلب من الله يوريني رويا تقويني
بالنسبه للدعاء صدقتي عندي مشاكل كثيره ومتشابكه لدرجه احترت وش ادعي. وش اقول مو استهانه بقدره الله والعياذ بالله بس صار عندي تشويش مدري وش ابي ولا وش ابدا فيه ودايم يجيني خوف.
الله يجزاك عني خير جزاء ويجمعني فيكم بجنته
عاجزه عن شكرك انتي واختي اللي سبقتك بتلرد
ربي يفرج همك ويشرح صدرك وينور بصيرتك ردك ريحني وفتح عيوني على اشياء