[@معاند الجرح@]

يقول المهـادي والمهـادي مهمـل

بي علتن بعض العـرب مـا درى بهـا

أنـا وجعـي مـن علتـن باطنيـة

بأقصى الضماير ما درى وين بابهـا

تقـد الحشـا قـد ولا تنثـر الدمـا

ولا يدري الهلباج عمـا لجـا بهـا

وإن أبديتهـا بانـت لرماقـة العـدا

وإن أخفيتها ضاق الحشا بالتهابهـا

أربع سنيـن وجارنـا مجـرم بنـا

وهو مثل واطي جمرتين ما درى بها

وطاها بفرش الرجـل ليمـا تمكنـت

بقى حرها ما يبرد المـاء التهابهـا

ترى جارنا الماضي على كـل طلبـه

لو كان ما يلقـى شهـودن غدابهـا

ويا ما حضينا جارنـا مـن كرامـه

بليلن ولو نبغي الغبا مـا ذرى بهـا

ويا ما عطينـا جارنـا مـن سبيـة

لا قادهـا قوادهـم مـا انثنـى بهـا

ونرفى خمال الجار ولـو داس زلـة

كما ترفي البيـض العـذارى ثيابهـا

ترى عندنا شاة القصير بهـا أربـع

يحلف بهـا عقارهـا مـا درى بهـا

تنـال يالمهـادي ثمانـن كـوامـل

تراقى وتشدي بالعـلا مـن أصابهـا

لا قـال منـا خيّـرن فـرد كلـمـة

بحضرات خوفن للرزايا وفـى بهـا

الأجـواد وإن قاربتهـا مـا تملهـا

والأنذال وإن قاربتها عفت مـا بهـا

الأجواد وإن قالـوا حديثـن وفوابـه

والأنذال منطـوق الحكايـا كذابهـا

الأجواد مثل العد مـن ورده ارتـوى

يتبع