:
:
:
غيري ينام ومهتني في منامـه =وانا لذيذ النـوم مـازار عينـي
سهرانةٍ والليل مُوحش ظلامـه =يجمع لي احزاني ويدعي ونينـي
ولّيت ياليـل الأسـى والندامـه =همّـك توَطانـي وبيّـح كنينـي
أبغا السلامه بس وين السلامـه =عيني تشوف وقاصراتٍ يدينـي
غيّب ضناي وغابت الإبتسامـه =حُكم المقدّر حال بينـه وبينـي
سجين ماأشوفه ولا أسمع كلامه =ماغير طيفه كل لحظـه يجينـي
والسجن في الغربه يهز الكرامه =ياحرّ كبدي بعد فرقـا ضنينـي
وين انت ياللي تستحق الزعامه =يافزعة المضهود نعم العوينـي
ياخادم البيتيـن فخـر الإمامـه =حبل الرجا ممدود بينـك وبينـي
أجبر كسر قلبي وحقق مرامـه =أفزع فديتك تكسب الأجر فينـي
تكفا يا ابو متعب مقرّ الشهامـه =الحيل واهن والزمـن مبتلينـي
قلبي ورا قضبان سجن المنامـه =ردّه عليّ تزيـن باقـي سنينـي
عبدالرحمن الحربي
صاحب القلم المتميز والابداع المستمر
عدت الينا في هذا المنتدى بعد ان غبت عنه طويلا
وان رأيت غيابك قصيرا فهو عندنا طويل ...
عدت الينا ....بهذا الشجن اللامحدود ....بقصيدة تحكي قصة معاناة سجين خارج الحدود
تحكي دموع والدة ثكلى حالت بينها وبين فلذة كبدها قضبان وسياج وحدود ...!
وكأنك لا تريد لنا ان نحتفل بعودتك ونبتهج ...فجعلتنا في حيرة
هل نفرح بعودتك ..ان نبكي من قصيدتك ...!
عبدالرحمن الحربي
دمت مبدعا وخلوقا ومتميزا في كل اختياراتك لقصائدك الرائعة ومواضيعك المميزة
:
: