[رذاذالمطر]

المشاركة الأصلية كتبت بواسطة خلووووود الخالد الله الله وش هالمشب ...وش هالجلسة الطيبة ..والعلوم الغانمة .. ايه هاللحين طاب القصيد ...وطاب الخاطر واسفهل ياعلنا مانعدمك يا رذاذ المطر ...والكرم ...والجود انا اشهد انك سنافية وشقردية .... بعدي والله .... وماشاء الله على هالتفاعل والضيوف اشوف المشب ما يخلا هذا داخل وهذا طالع ... والله هيضتينا يارذاذ ...وجبتي اقصانا .... وانا اللحين ضيفة ابي لي فنجال يقعد هالراس اللي لا عبتن الهواجيس والصداع في حسبته .... ثم ابشروا بالقصيد والعلوم الطيبة اللي تستاهل مجلسك ومشبك العامر ... ويا بعد حيي يا الشمال واهله .... وزيني لي دلة بلحالي ترى لا فنجال ولا فنجالين يقعدن هالراس ...وانا اختك .... توصي بي .... : :

هلاهلا مليـون ماغـرد الطيـر

* * * * * * * * * * وإهتزت أغصان الهوى من حنينه

هلاهـلا ياضيفنـا دون تأخيـر

* * * * * * * * * * * خيل التراحيب إنطلق مسرجينـه

إسمك تفتّق من حروفه نواويـر

* * * * * * * * * * * *صافحك زاخرنا وعطّـر يمينـه






أرحبـــــــــــــي بانت حمرااان النواظر

خلوووووووود ,,ياحي ..المشب نور بقدومك..ياغالية وأبشري بعزك..وأنا بنت الطنايا...





قدومك قدوم السعد على راعية المشب....


قم سو فنجال ترا الـراس منـداش
* * * * * * * * لعيون من قرنه على المتـن مرجـود
في دلـة مربوبـة كنهـا الشـاش
* * * * * * * * * *وبهارها كف مـن الهيـل والعـود
الهيـل كثـر ولاتوانـا ولجـاش
* * * * * * * * *والزعفران اقنع على شذرة العـود



ويوم إنكِ لفيتي على ريحة هالدلال المباهير ،،


لزوم إنك اتذوقين لكِ فنجال منه وتعطينا رايك الطيب به ....







وعلى طاري الدلال والقهوة ،، هذي قصيدة


للشاعر / محسن بن علي بن جغيثم رحمه الله ,,


يأمر ولده عيد بشب النار وتصليح القهوة,,


عيد شب النار قم سو قم سو
* * * * * * * * وسـو فنجـالٍ وزيـن قـنـاده

هات الدلال ووسع حفرة الضـو
** * * * * * * شب بحطب سمراٍ ولوعٍ عـراده

خل النشامى لا تلافوا لك وجـو
* * * * * * * *يلقون من جدك مراسيـم عـاده

أحمس من البن الخضر لا تلافوا
* * * * * * * * وللعود حط شـداد ولا وسـاده

وبهارها هيلٍ من الباخـره تـو
* * * * * * * * توه منزل مـن سنابيـك سـاده

مع البحر ملفاه ولا مـع الجـو
* * * * * * * مع زعفرانه كبر رجل الجـراده

حتى يجي فنجالهـا لا تقهـوو
* * * * * * *مثل صفار البيض في كاس ساده

فإن كانهم عجليـن قـل تغـدوا
* * * * * * *ولا العشاء مضمون مثل العباده

حتى لا راحـوا لأهلهـم وقفـوا
* * * ** * * * *كل ٍ يعد الطيـب علـى إنفـراده





وسلامتكم



وخلكِ قريبة طال عمرك ،، ترى صحبة الأجاويد مكسب .....