والمـوج لا شفتـه زمـا لا تهيـبـه
اصمـل وطبـه لا تخافـه ويرهبـك
الغيـب عنـد اللـي علـيـم بغيـبـه
يمكن تطب البحـر وتجيـب مكسبـك
وشاور كبيـر السـن لا شفـت شيبـه
وقله مـن الدنيـا وشنهـي تجاربـك
يجيب شـي مـا انـت قـادر تجيبـه
ويخبرك عن مشرق زمانك ومغربـك
وراس الهدف ما كـل رامـي يصيبـه
الا بـوارديٍ يحبـك الهـدف حـبـك
وابعد عـن اللـي فيـه شكـه وريبـه .
لا تصاحب الاجرب على الحول يجربك
اللـي يثـوّر بندقـه فــي جريـبـه
.خله ماأحد في خـوة الشين غاصبـك
عليـك باللـي تذكـر النـاس طيبـه
اللـي عـن دروب الرذالـه يجنـبـك
ماش العريـب اللـي فعولـه عريبـه
تنصت لقولـه وان سمـع مـا يكذبـك
وطيـع الالـه وزور مكـه وطيـبـه
وحاسب ضميرك قبل ربـك يحاسبـك