السلام عليكم ورحمة الله وبركاته
*********
لـعـنـبـو قـصـه غـــــــرام كل أبوها كلمتين
ابتدينا عند (أحـبـك) وانتهينا عند (بــاي)
تــونا مـا بعد مشينا في الهوى لو خطوتين
انتهى الموضوع كله ولا اعرف وش خـطــاي
انــتــهى الموضوع بـكـــل سهوله تحكمين
وين حــبــك..؟ وين قولك ساكن في حشاي؟
يمكن انــك مــا وفيتي يوم جيتي تعشقين
ويـــمــكن انـــك تحسبين مـــن دون رآي
ويمكن أصلاً مــا عشقتي بـس كنتي تلعبين
ويمكن أنــك مــا وصلتي في هـواك لمـستواي
ويـمكن أني ما عرفتك فـي الحقيقة وش تبين
ويمكن أنـي خنت نفسي يوم أعطيتك وفـــاي
علميني في الـهـوى يا جــاهلة وش تـعـرفين
تعرفين أنــك غديتي شيء يـجري في دمــاي
علميني فـي العطاء والتضحية وش تفهمين ؟
لـعـنـبـو حي عشانك ترك أقرب اقــربـــاي
كنت أحطك في عـيـوني تسرحين وتمرحين
كنت أشيل هموم قلبك وارمي همومي وراي
كنت أطـيـر من السعادة يوم أشوفك تضحكين
كنت ذايـب في هـواك مثل ســكـــر وسط ماي
كنت نايم في الـعـسل وارسم من الفرحة سنين
كنت أظنك قــلــب عاشق مـــــا وسطه سواي
مــا وعيت إلا وأنتي فــي خـفـوقـي تطعنين
ما وعـيـت إلا وسيفك بالحشا رايـــح وجاي
ورده إي والله ورده بس عـرفـتي تـجـرحين
كـــل شيء فيني جريح إلا فخامة كـبريــاي
مــا تــأثرت بـغـيـابك وش يعني دمعتين ..!
بكره أنسى صدقيني وأرجع بــكـــامل قــواي
ادري أن حــنــا افترقنا بس أبفهم حــاجتين
عـلميني وش كسبتي..؟ وعلميني وش خـطـاي
أصلاً الموضوع كله مــا تعدى كـــلــمــتــيـن
التقينا عند (أحـــبـــك) وانتهينا عند (بــاي)
*******************************
م/ن