بقولها له بعد ماقالها صمته
جعله سعيد وبعيد وخاطري سالي
مادام صوت العقل بالحب حكمته
يسمحلي القلب احطم برجه العالي
شي(ن) من الماضي لباكر تعلمته
من مابقالي غلا مابيه يبقالي
شاب الغلا يحسن الرحمن خاتمته
رفيقي اول مهو رفيقي التالي
ماهم قلبي خطا غيره ولالمته
ماتشره الا على رفيقك الغالي
تجاوزي عن خطا غيري تعاظمته
لاشفت نظرات انا بعيون عذالي
هذاك ظالم وهذا الناس ظالمته
قلي من اللي من هموم الزمن خالي
ماكل ماجال بالخاطر تكلمته
بعض(الحكي) ماتكلمته وانا لحالي
ان كانه الحب ذاك اللي توهمته
ياكثر ماخالفت اقوالي افعالي
او كانه الحب ذاك اللي تألمته
لاعاده الله غلا لاماتت امالي
اللي تنكر وانا بالحب كرمته
مابيه(لقفيت) ينشدني عن احوالي
(عشره) وراحت مثل حلم(ن) تحلمته
هانت على من جرحني ليلة (اوصالي)
ياللي بالاحزان والافراح قاسمته
(أبشرك) مر يوم ومنت في بالي
سعد آل سعود