الظاهران مافيه أحد يبي يفضفض...... والله ان في داخلي سالفه تقرقع ودي اطلعها ........
باسئل سؤال بما ان ثﻻث ارباع الشعب السعودي من الطبقه المتوسطه ليه الناس نازلين ع الماركه .... ما اقصد اللي يشتري اشياء معقوله ومن فتره لفتره ...... ااقصد اللي يركضون ورا هالماركه بجنون ويشتريهاباسعار بعضها خياليه ....... واللي فاقع مرارتي ان بعض هالماركات مو ذاك الزود..... ﻻوتحصل بعض الحريم الله يغفر لهم ترز نفسها قدام الناس انها معها ماركه وامكن بعد تعلق ع غيرها ا للي ممكن تكون احسن منها باخﻻقها ودينها..........
حتى بنات الجامعه....... كل وحده تبي تبين لغيرها انها ﻻبسه ماركه حتى صارت ظاهره البعض يصرفون مكافاتهم ويطلبون من اهلهم عشان ذالماركه........ اﻻف تدفع ﻻسباب جدا تافه......
امكن بعضكم يتفق معي وبعضكم يختلف ...... انا ما اقول ﻻ تشترون ماركه لكن ﻻ تجعلونها مقياس لﻻنسان ....... عارفه ان كل واحد فينا يبي يكون مميز بس مو لهدرجه.......والله ما ياكلها اﻻ الزوج مسكين المره تشتري والرجل يدفع ...... الله يرحم بحالة. .....
حن اللي جبنا هالظاهره وحن اللي نقدر نغيرها...... حرام فلوس تندفع في شي بعد استخدم مره او مرتين تحطه في الدوﻻب ...... ﻻوتقول ما اقدر البسه اواطلع قدام الناس فيه ......ﻻنهم شافوه......
راح ننسال عن هذي الفلوس في شي دفعت ونندم ان ما حطيناها في شي مفيد لنا اوتصدقنا بها........
هذا اللي كان يقرقع وكان خاطري اقولها ........ والحمد لله اني طلعتها ........ وانتوا بعد ما ودكم تفضفضون والله وناسه تريح ....... جربوا بس ﻻتشطحون كثييييييير......هههههههه
تحيااااااتي للجميع. ...
على فكره ترى ان ما كتبتوا باحول العنوان الى........ وحده تفضفض لحالها...... وانتوا تحملو اللي بتقرونه وانا غير مسؤله عن اي اضرار......هههههه
