المشاركة الأصلية كتبت بواسطة الدكتور فهد بن سعود العصيمي
رد ٍ وصلني صابنـي بارتجافـه ماهو بخوف الا غرابة و إنكار .!
كاني فهمته صح .! لا وا حسافه يا كبرها لا جات من صاحب الدار
القاف توه يـا فهـد بانتصافـه خلك وسيع الصدر لا تاخذ الثـار
خلك فحكمك فيك رحمـة ورافـه بعض الكلام امر من طعم الامرار
ليتك تعلمتي من اهل الكيافة=========جانا الإدام بدون نكهات وبزار!!
بعض العرب محتاج دورة قيافة==========رحنا جبال طويق وأنت بسنجار!
حنا نحب الصدق واهل الخلافة===========ما احب من يكشف لنا سّر وعوار
أسألك عن بنت لابوها مضافة===========لكتها تلبس فساتين ووزار!!!
|
وســـــــــــــــأضل تلميذتك واحاول جاهدة مجاراتكــ استاذي الكبير ..فالشعر يغريني على المحاولة :
لا والله الا عارفت لك عرافة = وانا معك فطويق مير انت مغتار
واما ايدامي محترفته احرافه = وشوفه على لسانك طعم فلفله حـــار
والظاهر انه صاب قافك خفافه = الي قبل هذا ترى حوله غبار
والصدق انا بيني وبينه ولافه = ومثلك ماداني كل خاين ونكار
والبنت مشهورة بوسط الصحافة = والكل فيها صاير اليوم محتار