[ورود 1]

السلام عليكم ورحمة الله وبركاته ,, ومساكم الله بالخير ...

عندي بعض الاشياء الي اضيفها اذا جيت اطبخ شيء واحسها تحليها دايم ويمكن ماتكون سر بالنسبة للكثير منكم

اولا : عند صنع الفطائر لازم اضيف

وش تتوقعووون؟؟










ايه اللبن يعني تعجنين العجينة بمكوناتها المعتادة مع اللبن ولافضل نتيجة ممكن تعجنين بنصف كوب لبن مع علبة زبادي والسر هنا انه يصير لين معك ومايصير قاسي اثناء الخبز


ثانيا : صلصة البيتزاء وعارفين ان مكوناتها الاساسيه طماط وصلصة وبصل وفلفل اسود وبهارات وريحان وزعتر لكن في شيء اهم من ذا وهو






الخطوة المهمة في السالفة كلها انك تاخذين فلفل بارد وتحطينه على النار يعني مثل ما تسخنين الخبز وتخلينه لما يسود شوي او يغمق ثم تزيلين الطبقة المحروقة فقط بالسكين او تكحتينها خفيف و ثم تطحنينة وتخلطيه مع صلصة البيتزاء وراح يعطيك نكهة باربيكيو لذييذه وممكن تشوينه بالفرن وتستخدميه بنفس الطريقة لكن لازم تشيلي السواد منه بعد ما تشويه

ثالثا : المرق سواء خضار او لحم او دجاج
وانا استخدم معاه




العدس تقريبا ثلاثة ارباع بيالة اوبياله كاملة اثناء حمس اللحمة او الدجاج واذا كان فيه عدس جاهز من الفوال بيصير ازين وبتضيفين تقريبا نص العلبة المهم ان طعم العدس ماراح يبين ابدا ابدا والمرق بيصير طعمه حلو وانا عموما لازم اضيف له قرع معاه لانه يعطيه طعم مميز بعد . بعض من هذه الاسرار اخذتها من النت الله يجزي الي كتبتها خير ... وسلامتكم ..