[همس الخفوووق]

اول ماسكنى شقتنا كانت العماره جديده...

واول ناس سكن حنا...فكنت اخاف بذات اذا كنت لحالي بالبيت..

المهم في الصباح على الساعه 9 كنت نايمه وما في الا انا...

ويدق الانتر فون (جرس الشارع مو الشقه ...)

وهذا اللي صار..

تررررن تررررن...

رديت وعين مغمضه وعين مفتحه : مين

الرجال : السلام عليكم ..

وبديت اصح صح : وعليكم السلام ..

الرجال : المغسله شغاله ؟؟

قلت ،، بأستغراب : لحظه اتأكد ..واروح ادربي راسي وافتح البزبوز(صنبور الماء)

ايوه في مويه ..

الرجال قال : يعني شغالين ،،انزل الميت ..!!

قلت لالا هذا بيت ..هذا بيت

عاد تخيلو شكلي ابكي وارتجف من الخوف.. وبديت اسمع حركه..

قلت بس هذا الميت يطلعونه شكل مغسلة الاموات فوق ؟؟؟

شوي الا داخل ... وانفك عليه قلت :

وين مغسلة الاموات ...فوقنا والا تحتنا ؟؟

قال بسم الله مين علمك ..؟؟

قلت يعني داري وداس عني...؟؟

طبعا زوجي كل مارحنا مشوار لف من الجهه الثانيه عشان ماشوفها ،،

وعمارتنا اساساً هي لصاحب المسجد عشان كذا المغسله لصق فينا ..

آآآآآآآآآآآه عاد بعدين صار اي مشوار نمر من عندها ...

ياربي يوم اشوف الباصات مكتوب عليها .....واللوحه كبيره مغسله الاموات ....

قسم بالله شي يخوف..

كلنا بنموت وبندخل المغاسل بس وشي خاتمتنا ؟؟؟ وش قدمنا ؟؟

يارب ادخلنا الجنه برحمتك ..والا لو على اعمالنا الله يرحم حالنا ويتوب علينا بس.

" الموضوع 3 مشاركات ورى بعض "

يتبع