[حامد نوار]

السلام عليكم ورحمة الله وبركاته

ياسعـود يامشكـاي ويـش التدابيـر
لاتشتكي جـور السنيـن وشطفهـا
جـور السنيـن يـحـل ويـمـر ويصـيـر
راجـع زمانـك واكثـر النـاس شفـهـا
النـاس لاحقهـا مـن الـوقـت تاثيـيـر
وتصبر على باس السنين وصلفهـا
تـمـيـل مـيــلات المـقـاديـر وتـغـيــر
وان وصفـت بتعـذب اللـي وصفـهـا
فحرص على قرب الرجال المناعيـر
الـلــي دروب المـرجـلـه تحـتـرفـهـا
تـلـقـى بخـوتـهـم مـعــزه وتـقـديــر
ومجـالـسٍ مادنـسـت مــن عرفـهـا
تاقف معك لو همك اكبـر مـن النيـر
وبعزمهـا حتـى الصعـاب اتعسفهـا
ولا قــدر الله ثــم رمـتـك المـقـاديـر
الـرجـل مـنـهـم وقـفـتـه لا وقـفـهـا
تسـوا لهـا فزعـة صفـوف وطوابـيـر
ماهـوب لا شـاف الصمايـل حرفهـا
يقلط على الشده كما سالـم الزيـر
وتامن به الديـره وهـو فـي طرفهـا
لامازهمتـه قـام يشتـح كمـا الطيـر
لاضـــف جنـحـانـه وكـفــه عكـفـهـا
واهـل الـردى مالـك وراهـا مداويـر
جـنـب مجالـسـهـا وجـنــب ولـفـهـا
لو اضحكتلك في السنين المياسير
لابـد فـي وقـت القـسـا تكتشفـهـا
تفِرح بك الشمات لـو ذنبـك اصغيـر
وتحتـار فـي اصغـر غلطـةٍ تقترفهـا
ويصير همك كبـر هضبـة شمنصيـر
لـكــن جــنــب معـرفـتـهـا وعـفـهــا
لانــذال رفقتـهـا مـهـونـه وتقـصـيـر
وتِكثـر عنـا نفسـك وتكِثـر حسفـهـا
فالرفقـه اللـي ماتدلـك علـى خـيـر
آلــلّّــه يلـعـنـهـا ويـلـعــن جـدفـهــا
ولا تـــرادع جـاهـلـيـن المـحـاضـيـر
ولو تعترض لك كلمة الـلاش طفهـا
واحفظ السانـك لـو بلـوك المعاثيـر
الكلـمـه الـلـي دون مـيـزان خفـهـا
يـجـوز تـرمـي كـلـمـة دون تفـكـيـر
واصبـح سـودان القلـوب اتخطفـهـا
واصـدر ليامـا عفـت صـدارت ابعـيـر
لاترتجيـهـا 00 واطـلـب الله خلفـهـا
وتـرا النصيـب يصيـب مافيـه تغييـر
لــو تجـبـد امــواج البـحـر وتغـرفـهـا
وعـذر الرجـال الطيبـه خلـه ايصـيـر
ابـيــك تـعـذرهـا وتـقـبـل وسـفـهــا
الـعـذر يقـبـل لاحـصـل فـيـه تبـريـر
امـن الرجـال اللـي صريـحٍ هدفـهـا
فـي كـل شـي قـد تجـوز المعاذيـر
الا علـى اعـراض الرجـال وشرفهـا
اقولهـا وانــا الــذي سلـوتـي غـيـر
البعـد عـن ضـيـق البـيـوت وكنفـهـا
واسـج فـي خبـت كستـه النواويـر
حيثـه ظفـر روحـي وحيثـه نصفـهـا
واسواق الاسهم والذهب والدنانير
لـو سلموهـا فـي يـديّ اصطرفـهـا
ينوبـهـا ملـحـاٍ مــن ابــل المناصـيـر
ارعابـهـا زهــر الـفـيـاض وقطـفـهـا

منقول راقت لي