[حنونة مكه]

المشاركة الأصلية كتبت بواسطة 【 ثبات الجبال 】 اخواني واخواتي لا ادري لماذا كلما حاولت اقرأ عن علم تعبير الرؤى احس بالخوف والتردد ، على الرغم اني لي محاولات بسيطة في التعبير والحمدلله تحققت الا انني احس بشي يقول لي توقفي ، لا ادري ما السبب .

حتى أنا أختي ثبات الجبال ،،،،،،

مره أخاف وأتردد ،،،لو تشوفي منزله كتب في هذا العلم ،،،،،، ومره فتحت كتاب وقرأت ونفسي أخلص من قرائته في نفس اليوم مره أتحمس ،،،، تعالي شوفيني بعد أيام ،،،،،ماأقرأ ولاجزء صفحة ،،،، وأقول خلاص ماعاد أقرأ ،،،، ودائما تجيني الأفكار هذه،،، التعبير أمانه،،،، يبغاله فراسة بعدين تعلم،،،،، ، ويعني خلصوا المعبرين عشان أعبر أنا ،،، ويمكن أعبر تعبير خاطيء وأظلم الرائي ،،،،أو أخليه يبني أمانيه على شي ماله أساس أصلا،،،،،،، ماأدري حتى العاطفه لها دور،،،،،،،،

مع إني مره أحب هذا العلم ،،،، وتفسرت لي رؤى عديدة بالتوفيق في تعلمه ،،،،، وأخوي مهندس أحمد دائما كان يشجعني وينصحني الله يبارك فيه،،،،،وأنا والله مره منحرجه منه لأني أهملت تعلمه والقراءه عنه ،،،،، حتى المشاركه هنا وحده مره شاركة في رؤية اخوي أحمد عشان أشجع نفسي وعشان أخوي،،،،


بس الحمد لله ،،،مره فتحت منتدى الرؤى المفسرة ،،،، وجالسه أقرأ بتركيز وتمعن ،،، وأفسر مع نفسي أو يجيني سؤال حول مقطع من الرؤيا ،،،، وقرأت التعبير لقيت المعبر كاتبه ،،،، ولقيت نفسي أعبر نفس تعبير المعبر أو جزء منه ،،،، يعني كم رؤية من الصفحة الأولى حلولت أفسرها ،،،،والله مره فرحت ،،،، وقلت التعبير سهل خاصة إذا كانت الرؤيه قصيره ورموزها واضحه،،،، جربي وسوي مثل ماسويت ،،،، وإذا سأل المعبر سؤال ،،،ركزي فيه ليش سأل هذا السؤال ،،،أيش القرينه ،،،أيش كان الحدث ،،،، حسيت الرؤيا سبحان الله كأنها لغز ،،، يعني تركيز وتحليل وتفكيك وربط وإستنتاج ،،،،،،

بس ماأدري يمكن مشكلتنا في التدريب،،،،نقول صعب صعب ،،،بس مانحاول ،،،ومشكلتنا في الخوف والتردد ،،،، والأستسلام للأفكار المحبطه،،،،،