يـآصعب والله ما تحصّل لكْ بهالـدنيا صِـديق
تزرع كثـير وللأسفْ ياقلّ ما تحْصد ثَمر
بعض العـرب صداقته من وين مـآ جيته يطيق
اليـآ نصيته فزّ فيكْ وقال تآمـرني آمر
••
لآ قال كـلمة تمّها والا اعـتذر عذرٍ يلـيق
اليآوقف وقفة بطـل وإن هدّ هدّات النـمر
وبعـض العرب صـداقته مـآهى على طول الطريق
يقـطع صـداقة واحدٍ تقول شـآيل لك جمـر
••
أمـآ الرفـيق اللي يـلوذ اليا تنصّـاه الرفـيق
إضـرب على علاقـته إكـسين بالخـط الحـمَر
وش لك بلحْية خوةٍ تمـشي على خيـطٍ رقيـق
مـآدام ما هِي خـوةٍ تبقـى على مـرّ العمـر
••
يآهيه ياللي مسـتوي عـندي زفيره والشـهيق
إن جيت أردّ أخـشى الـندمْ وليا سكـتْ أدهـى وأمـرّ
مآني مـفرّح شـرذمة ولا مـزعّل لي فـريق
••
الصـبر مفتـآح الفـرج والسـوسْ ما ضَـرّ الـتمر
مـادام يمـكن طـمرها هو ليـه أولعهـآ حـريق
بعـض الـسوالف ما لهـآ عند الـرجآل إلا الـطمر
م / ن