[رجب مضر]

سوس الإخوان

سوس الإخوان ده ف كل مكان
ف الجامع كان أو ف الدكان
جوا الأوتوبيس أجناد إبليس
هتلاقي السوسة مع الأباليس
جوا الدواوين إخوان ملايين
كل الوزارات كدة مش عاتقين
عامل فلاح ريما ومشكاح
سوسة وشغالة ومش ساكتين
سوس الإخوان بقا زي النار
ينخر ف الدين يضرب أسافين
ويأخون ناس والبنا أساس
وبدين البنا بيحشوا الراس
إخوان ناعمين زي التعابين
طول ما أنتا معاهم مش قارصين
بس أنكر يوم دين العشرين
أصل من التخاريف الملاعين
هتشوف وش لإخوان تانيين
وتلاقي ف صدرك ميت سكين
وتلاقي شتيمة وحرب جنون
تكفيرك هيكون بالتليفون
وتلاقي قرار تصفية عجيب
وهتاخد فوق راسك بالهون
هتلاقي حصار حواليك جبار
يا توب للبنا يا أما النار !
هتعيش ف جهنم إخواني
تتمنى تموت لو بالمنشار
ولا أنك تفضل ف عذابهم
متحاصر بيهم ليل ونهار
هتلاقي البنا قصاد عينك
مطبوع ف وشوشهم راصدينك
أنفاسك معدودة يا باشا
وعيونهم ترصد خطاوينك
هتلاقي رجالهم قدامك
دور هتلاقي ف أصحابك
وزمايلك منهم هتلاقي
وف بيتك منهم ف إخواتك
على كل مواقع نتية
وف كل قناة منهم مية
سواق أتوبيس سواق مترو
أولاد البنا خلاص كترو
بيسدوا عيون شمس بلادنا
يأجوج مأجوج منهم هربوا
جيشهم ده بدايته ف أمريكا
ونهايته هناك ف بلاد نهرو
سوس لكن واكل ف بيوتنا
حالف ليأخون أمتنا
حالف ليبدل شريعتنا
ويخلي البنا دا معبودنا
سوسة هتلعبلك ف دماغك
وتقولك ع البنا إمامك
هتخليك عايش للبنا
وتموت على دين كله خوارج
سوسة وبتجهز للنايب
على كرسي الملك بتتخانق
وف أرض الشام لازم تعمل
دولة سفياني وجيش خارق
تمهيد للدجال الأكبر
بالفتنة أكيد منهم خارج
سوس جيشه تتار ملهوش آخر
زاحف والناتو ليهم ناصر
ف الجامع هتلاقي حشودهم
تهتف للبنا وأولاده
وف كل محل ودكانه
هتلاقي السوسة الكذابة
سوسة بتتجسس بودانها
وقلوبهم مليانة عداوة
لو جبت ف سيرة معبودهم
هتلاقي السوس كله ديابة
والسوسة تجز على أسنانها
ويدوسوا عليك بالدبابة