[فجــــــــــــــــر]

السلام عليكم و رحمة الله
في البدايه اعتذر اني كتبت حلمي في متصفحك اخي الكريم
بس حاولت والله اكثر من مره اني اكتب حلمي في الاقسام الثانيه ومو معطيني تصريح فتح موضوع
كمان حاولت اتصل على برنامج الدكتور فهد العصيمي
والخط دايما مشغول فما عندي الا هالرد واتمنى حد من المراقبين او المشرفين رفع حلمي للدكتور لاني محتاجه تفسير صادق
.................................................. .....
الحلم الاول / حلمت اني رايحه للسوق مع امي واختي الصغيره وامي كانت لابسه عبايه
وكنت انا لابسه عبايه ولما دخلت السوق حسيت ان الطرحه مليانه زيت مادري وش نوعه بالضبط خفت الناس يشوفوني وقلت لامي اعطيني 10 ريال بشتري طرحه جديده امي اعطتني خمسه وخمسه وكان في حرمه لابسه لبس مخصر وكانت دبه وجسمها حلو بس دوووبه مره وشعرها طويل وفستانها اصفر المهم كانت تلقي للحريم كلمه تقول انتبهو يا اخواتي بقولكم شي وانا ما سمعت لها طلعت من السوق و رحت لاغراضها
ولقيتها حاطه طاولة مدرسه وحاطه عليها شنطتها وحاطه اوراق مسويتها على شكل شنط صغيره وكل ورقه فيها عشره ريال هي كانت صدقه للفقراء ...و انا كنت بشوف اغراضها بس ...جتني حرمه ثانيه تركض قالت : انتي وش تسوين هنا... هذي اغراض الحرمه شتبين فيها؟؟ قلت : هذي فلوسي ( اقصد العشره اللي عطتنياها امي ) بس الحرمه ما صدقتني.... قلت لها : صاحبة الفلوس تعرف كم كان معها وتعالي نسالها .......لما وصلنا لـ صاحبة الفلوس ... قالت لي امي : هذي خطابه بس لا تروحين لها ترى ماتجيب الا رجال خرطي وانتهى الحلم ....
انا مطلقه عمري 26 سنه ماعندي اطفال
.................................................. ......
الحلم الثاني /
كنت راكبه السياره مع ابوي المتوفى وكان اصغر اخواني عمره 4 سنوات معي بس راكب ورا
ابوي صدم سياره بس الحادث كان بسيط جدا وانكسرت المرايه اللي على باب السياره نزل ابوي يبغى يهاوش الرجال ونزلت معه بكى ابوي وراح يركض على الشارع وكان عاري جدا كنت بلحقه بس تراجعت
لحقه اخوي الصغير ومسكته رجعت للسياره وجلست اناظر المكان اللي اختفى فيه ابوي وابكي من قلبي
انتهى
.................................................. .......
تكفون ارفعو الحلم للدكتور فهد العصيمي واسفه مره ثانيه ياخوي على استخدامي موضوعك لتعبير عن حلمي