ياسرع الايام تجري مامكنّاها
محدن قضبها ولانقدر نهدّيها
مايقدر الوقت غير اللي بعث طه
اللي علم ماضي الدنيا وتاليها
في ستة ايام زينها وسواها
ماغيره احدن يمددها ويطويها
رب السماوات حابكها وعلّاها
كواكب الكون فالافلاك مجريها
بعض العرب علّمه ربه بفحواها
والبعض ياصل حراويها ويخطيها
اما اكثر الناس من خلقه تناساها
لاهي ويلعب وجاهل في معانيها
والطغمه الغاويه في وسط بلواها
تمشي على درب حاميها حراميها
ياالله ياالله ياعلام مبداها
يامن بديت الخليقه وانت فانيها
ترحم عبادك من النيران تصلاها
واعلى مراتب جنانك حطنا فيها
خالد بن سعود الكبير