.
.
ومن نوادرها كذالك
جعل وبل الغيث يسقى ديار المفرعين
منزل اللي كان هرجه حديث معديه
ضيقة في خاطري شكلها ماهو بزين
همي اللي سم حالي وبيح سديه
ان سجنته قام يتبع دروب الدالهين
وان نشدته قال انا علتي متعديه
ان بغى خلي جنابي فلا غيره ضنين
وان بغي يقفي . يقفي. مراح . موديه
00
تقول بأبيات لم أرى أبرع منها ولا أشد وصفا ...
يا حن قلبي على ماك مع الطلعات
ليا عشقه بالعايدي والدبل جره
جرمه ثقيل وحملو فوقه البيبات
ويدعس عليه ببنزينه ولا سره
أنا دمع عيني بالدقايق وبالساعات
ولاهي على فرقى المحبين مستره
هواجيس قلبي كل ما قلت راحت جات
تخالف علي باليوم خمسة عشر مرة
00
ومن عجيب وصفها الذي قالته ضمن أبيات غزليه تقول فيها ...
حن قلبي حن ( ماكٍ) على سمر العجل
عشق السواق والدرب ممسوكٍ وراه
إن عطا مع طلعةٍ عشقوا له بالدبل
وإن تسهل ريحه لين ياصل منتهاه
ما بشفي لا دريول ولا ريس عمل
شفي اللي كل ما شاف براقٍ رعاه
ونتي ونة خلوجٍ ولدها ما جدل
تشرف المرقاب للذود وتعود وراه
00
ولها كذالك
إسمحوا لي يامحمد على ست اكلمـات
ذا كـلامٍ فاضـيٍ واستحـي لا طوّلـه
يامحمد مـا الأناثـي بكفـو معامـلات
قولهن لا هوب يصمـل ولا ينـردّ لـه
راكب اللي في سما الجو تمشي بحركات
صوتها من سرعها من وراهـا تنقلـه
روّحت وقت الضحي من محلّ الطايرات
وخطّرت راع الهجن مارحٍ فـي منزلـه
وخطّرت ركابة الدوج من دون ادمـرات
ومرت الصلب الحمر والفريق بالسفلـه
داربٍ سواقهـا مـا يحسـب للممـات
وغلقت خمس الدقايق على الطالب هله
000
ما يقرب دارهم كود صنع الذاهبين
كود حمراء عزمها من صفاة بلوفها
كن حنين الويل يشبه لخلفات القطين
لينوله بالقدم مع طمان جروفها
.
.
غزلية رائعة :
ليته يناديني وانا بس اناديه
واجاوبه ياحسين ولو كان مـــــره
عليه قلبي يابسات عراويه
اقفا ابقلبي من ضلوعي يجـــــــره
ذالي ليال قاعده في حراويه
ليننها زادت على المضــــــــــره
قمت اتوجد وجد من مات غاليه
قبوه اقباله كل يوم يمــــــــره
أو وجد من خاوه والليل ممسيه
ينخا ولا حد من هل الهجن مره
خلي طريح والضواري اتحاضيه
بالمقطعه وامقابله ضلع حــره
على الذي ماشفت حي ايحاليه
شيخ على القوم المعادين شره
وفي اجمل قصايدها قالت :
جيت النازل خاليه ما بها اوناس
من عام الأول ارضها ما وطي به
ولقيت مرح أهل المروات دراس
علمه بهم يا بو مطر علمـــــي بـه
مريتها يوم المعاليق يــــــباس
ونزلتها يوم الضماير عشيبــــــــه
وونس بصدري واهج الحر حماس
احسب من فارق هله لي يجي به
واقفيت كن ابسرت القلب مراس
واقنب كما يقنب من الجوع ذيـــبه
واعول كما تعول على البو عرماس
ومن لامني جعل حواله عطيبه
باللي يفكون الطلب عقب الادماس
ربعي مصخرت العدو بالغصيبه
اليا منهم ركبوا على سرج الافراس
وتحيزموا من فوق قب عريبـــه
اليا اعتزوا ببعير عالي الساس
خلوا على جمع المعادي حطيبــــه
ذكر الموده للعرب ما بها باس
لكنها على المولـــع مصيبــــــــــــه
حب الرفاقه شيب القلب والراس
وباق الموده له بديـــل قريـــــبــــه
باقي العرب تلقا بديله مع الناس
واخوك لو درت البدل ما لقيـــــبه
وفاتها
عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو )
وحاليا اسمها ( حي البادية) حتى توفيت هناك عام 1995 ميلادي.
الله يرحمها ويسكنها فسيح جناته
.
.
للأمـــانــه منقـووووووول
.
.