[صانعة في الحياة]

اتعبني الحلم لين الواقـع انكرنـي
كني مسكت الفرج بيـدي وهديتـه

مافي داعي على فرقـاك تجبرنـي
حتى الجفا منـك ولعنـي وحبيتـه

الجـرح عـدا زمانـه لاتذكرنـي
هـذاك وقـت تعذرتـه وجافيـتـه

لوشفت دمع القصايد كان تعذرنـي
تصور ان الشعر يضحـك وبكيتـه

ماغيرونـي ياكـود الله يغيـرنـي
كم واحد عنـك يبعدنـي ورديتـه

وفيـت وادري وفايـا مايصغرنـي
صوبت يم الهدف لاكنـي اخطيتـه

من طار سرب الغلا والشوق طيرني
شف ماعلى الارض واحد ماتعديته

خليت قلبي معـك والله يصبرنـي,,
مبطي وانا اقول قلبي ويـن خليتـه

اشتقت لك مابقيتك عـاد تشكرنـي
تغيب والشوق ماعمـري تباطيتـه

ماخذ على خاطري والبعد قاهرنـي
مدري شسوي وانا كل شي سويته

العام يوم الوعد تسبـق وتنطرنـي
مستغرب شلون هالموعد تناسيتـه

وين انت رايح ولا كنـك معبرنـي
ماكني الي علـى العالـم تمنيتـه

لاصار هذه علومك راح تخسرنـي
ماعمر احد راح من كيفه وناديتـه

عند الكرامه ابيعك وانت خابرنـي
الله وكيلك ترى كـل شـي مريتـه

وكانه هجر بالسلامه روح واهجرني
اخـوي لاصـد عنـي ماترجيتـه


عطا الله فرحان