[السعاده قادمه]

كــلٍ يـغـنـي عـلــى لـيــلاه = وانــا عـلـى حـالـي أغـنــي
أحيـان عقـلـي احـسّـه تــاه = واحيان افكّـر واقـول : انـي
حزيـن..صـدري مـدايــن آه = ضايع بخت من صغـر سنّـي
غريـب ربـع وطريـق وجـاه = وحـيـد مـااحـدٍ درى عـنّــي
غاوي شعـر والزمـن شلفـاه = تنـهـش ضلـوعـي وتطعـنـيّ
يلعن ابو الشعـر يـوم اقـراه = وش جاب لي وش خذا مني؟
ليـت الامانـي جبـل وارقــاه = وانـسـى همـومـي وينسّـنـي
مايـدري انّـي عـلـى ذكــراه = يمـكـن ابـقــى ...ويمـكـنّـي
اترك طريق الشعر واجفاااه = وامــوت مـأحـدٍ درى عـنـي