منتديات موقع بشارة خير - عرض مشاركة واحدة

أٌميمه

بسم الله الرحمن الرحيم
السلام عليكم ورحمة الله وبركاته

أداء وألحان / محمّد الجبّاري
كلمات الشاعر / أحمد المطيري

علمتني ان العطـا لا زاد عـن حـده خطـا
وعلمتني ان الجميل مايكفي كفوف البخيـل

وعلمتني ان العيون اليا اعشقت ستر وغطـا
وعلمتني اصدق دروب الحب ماتبغى دليـل

قلي اجل..من هو على خيل التجافي امتطـى؟
واخلف مواعيد العمر غبره ورا صوت الصهيل

كم حافرٍ عدّى على جباه الهقاوي كم وطـا
كم غيمةٍ ظنيتها تمطـر غـلا واثـره هميـل

وردك زرعته فاضلعي والشوق في قلبي سطـا
لاجرح..لادمعة وفا..لاذنب.. لاجسم عليل

ماكنك اللي لاطرى فزت له اشواقـي قطـا
راحت له اكثر من غلاه ولارجع الا القليـل

علمتني واصبحت انا والعلم في حكم البطـا
لادامت وعود الرضا.. ولاعاد بك غصنٍ يميل

نسيت افيدك سيدي بالقول يارخـص العطـا
من يكرمك شمس وقمر مايرجع بطرق الشليل

للأستمآع هنآ