الحمدلله والصلاة والسلام على رسول الله وعلى آله وصحبه أجمعين بسم الله الرحمن الرحيم في البدايه اشكر جميع العاملين على هذا المنتدي واخص بالشكر للدكتور فهد العصيمي لاني من اشد المعجبين له وفي ادائه الاكثر من رائع ........ انا ام متزوجه من عشرين سنه وعندي اربع اولاد بنتين وولدين اكبرهم ولد عمره 19 سنه ويدرس بالجامعه ولله الحمد.... واصغرهم بنت عمرها 13 سنه وبي يباركلي فيهم مشكلتي هي مع زوجي بدت معاي بعد زواجنا بأربع سنوات تقريبا في بداية حياتي معاه كنتا تعيش احلا زوجين ولا فيه بينا اي مشكله كانت الحياة بسيطه وكنت احس بالامان والاستقرار معاه كنت اسعد زوجه ....، لكن بعدالاربع سنوات بدأ يتغير ويخلق المشاكل بينا حاولت اعرف سبب هذا لهذا التغير اللي بدأ تتدريجاً مع الوقت عرفت السبب وللاسف الشديد اصدقاء السوء وعالم المخدرات ..... نعم زوجي دخل عالم المخدرات ونقلب حاله من حال الي حال حاولت ابعده عن هذي الافه لكن ما استطعت لجأ الي بالدعاء الي رب العالمين ان يهديه ويبعده عن هذي الافه ورضيت بحكم الله على رصبرت وتحملت الكثير من الذل الإهانات وحتسبت الاجر من الله وارتجي من الله الخير...... عشت معاه تسع سنوات وانا اصارع الحياة معاه بهذا العالم وهو عالم المخدرات حبست نفسي انا واولادي بالبيت واهملت نفسي واولادي وعشت بالهم لمدة تسع سنوات..... وفي بوم قدر الله ماشاء ان يقبض عليه ولتبس بقضية تجارة المخدرات والتعاطي وحكم عليه 15 سنه بالسجن........ لكن رحمة الله وسعت كل شي انخفض الحكم الي نصف المده بعفو اميري وبعد سنه من السجن حفظ من القرآن 25 جزء ونخفض من الحكم سنتين بسبب حفظه القرآن الكريم وبقى عليه من الحكم خمس سنوات ونص الحمدلله هذا كله من فضل ربي ....... الله وحده العالم شلون عشت حياتي في هذي الفتره تحملت كل شي وربيت اولادي ولله الحمد احسن تربيه وصرت لهم الام والاب ولا قصرت في شي معاهم وفرت لهم كل شي ولا خليتهم يحتاجون حق احد حتى زوجي طول فترة السحن وانا معاه ما تخليت عنه كنت ارسله كل طلباته من مصروف وملابس وكل شي يطلبه اقوله حاضر وعلى امرك ساعدتة بكل شي حتي ديونه سددتها عنه كانت عليه قروض للبنك قبل يدخل السجن تقويباً سبعة آلف دينار والله الحمد قدرت اسددها بأقل من سنه...... كنت اقول لنفسي هذا زوجي وابو اولادي لازم اكون معاه بالشده بوقت اقرب الناس له تخلت عنه ماله غيري بعد الله..... ولما كنت ازوره بالسجن طول الفترة اللي كان يقضيها كان دايم يثني علي بالشكر وكان يقول بس اطلع راح اعوضك عن كل شي فقدتيه وحرمتك منه واح اخليك اسعد انسانه ولا ألحق جزاك بس تحملي لما اطلع.... تحملت الكثر وصبرت على امل كبير انه راح يعوضني ويسعدني لما يطلع من السجن..... وبعد خمس سنوات ونص طلع من السجن لله الحمد والشكر كنت دايم اطلب ادعي ربي يمد بعمري واشوفه بيني وبين اولادي ولله الحمد استجاب الله لي....... ولله الحمد والشكر طالع من السحن قبل اربع شهور وكمت اسعد انسانه بالوجود كنت دائماً احلم بهذا اليوم وكنت متأمل فيه كل خير بأنه راح يسعدني ويعوضني عن كل السنين اللي راحت وارتاح من الهم والحمل اللي كان على ظهري واصير ملكه في بيتي واعيش الباقي من عمري بين اولادي وزوجي ..... لما طلع حسيت بالحياة من جديد وردتلي الفرحه حسيت بالامان والاستقرارمعاهم ما اقدراوصف لكم سعادتي....... لكن فرحتي ما تمت باقل من شهر بديت اشك في تصرفاته ما كانت طبيعيه واكتشفت المصيبه انه رجع لاصدقاء السوء ولعالم المخدرات معاه ثلاث شهور من طلع من السجن شهر بس كان حلو وشهرين كانت كلها مشاكل حاولت انصحه يبعد لكن ما فيه فايده ..... لما خلاصما قدرت اتحمل تعبت ورجع الشريط ينعاد علي ..... وين وعوده لي انه يسعدني ويعوضني عن اللي فات كان كله كذب كلامه كرهته وكرهت اشوفه بعد بالبيت ... انا ماقصرت معاه بشي حتى لما طلع وفرت له مبلغ يبدي فيه حيباته لكن للاسف ما قدر هذا كله وآخرتها يقولي انتي ماسويتيلي شي.... المهم انا الحين تركت له البيت وخليته مع بالطريق اللي اختازه علي ما اقدر اتحمل بعد خلاص تعبت وكبرت وابي ارتاح اخر العمر الحين عمري 40 سنه متى ارتاح في حياتي حسبي الله ونعم الوكيل على كل ظالم... هذي قصتي مع زوجي ...... اطلب منكم المساعده والنصيحه وشنو هو الخل معاه ارجع الببت واتحمل كل شي او اطلب الطلاق ابي منكم المساعده والحل باسرع وقت واتمني انكم ماتهماون مشكلتي ..... ما اخفي عليكم لما اكون معاه ما اكون مرتاحه ولما بعدت عنه نفس الشي ماحسيت براحه ...... الحمدلله على كل حال وراضيه بحكم الله علي واعرف انه هذا ابتلاء من الله ونعم بالله والحمدلله والصلاة والسلام علي رسول الله.........