[غيوم ممطره]

** الدكتور فهد يستقبل مكالمة من المتصله "أم نوف_من السعودية" **

د/فهد--نعطي أيضاً فرصة للمتصلين_أم نوف_مرحبا_من السعودية
سلام عليكم أم نوف
المتصلة أم نوف--هلا,سلام عليكم ورحمة الله وبركاته
د/فهد--وعليكم السلام ورحمة الله وبركاته,حيّا الله أم نوف
المتصلة أم نوف--هلا حيّاك الله يادكتور
د/فهد--يامرحبا ياهلا سهلا ياهلا
المتصله أم نوف--ياهلا ياهلا,أنا والله عندي رؤيا
د/فهد--حيّاكم,تفضّلي أم نوف
المتصلة ام نوف--رؤيا من تقريباً لها حوالي 5-6ستوات,شفت أنا بالمنام عند صلاة الفجر,وانا واقفه أناظر شرقي جنوبي-يعني جهة الجنوب شرق-وانا شايفه كوكب,يعني أنا ما أشوفه وأنا صاحيه بالشكل هالشّكل,كوكب مرّة زايد له ضو كبير بالسماء-على جهة الشرق الجنوبي يعني جنوبي شرقي- وأنا واقفه ,شوي أناظر أناظر جاء على كتفي الأيمن شيخ شديد البياض ولحيته سوداءكبيره,يعني أسود شعره مره,وهيئته جميله مره,كان أنا التفت على جهة كتفي الأيمن قالّي"وش تناظرين؟؟قلت أناظر للكوكب اللي في السماء هذا!
قال"هذا قريب"_قلت له هذا بعيد,شلون تقولي قريب وهوبعيد؟؟
قال"لا قريب بس روحي لَمَّهْ.
-وكان على كتفي الأيمن شديد شعره أسود وهيئته جميله وعليه شماغه,يعني أنا ماشفت حتى الرجل هذا بالنّبهه- ما أدري شلون تقول طرت,يعني نزلت عند مكان النجم هذا,لقيت عنده غنم نعيم ياشيخ
د/فهد--هاه
المتصلة أم نوف--غنم نعيم نعيم,تعرف الغنم النعيم؟؟
د/فهد--إيه نعم
المتصله أم نوف--قمر فيه غنم نعيم عندها برسيم يابس
د/فهد--عندها برسيم؟؟
المتصله أم نوف--إيه نعم,والغنم النعيم سمينه وزينه مرة,الغنم أعجبتني,والغنم كثيرة,وعندها تأكل برسيم جاف-حلوه الغنم سمينه وزينه-,وانتهت رؤيتي ياشيخ.
د/فهد--الله يجعله خير
المتصله أم نوف--آمين تسلم
د/فهد يعبّرها--(هذه فيها موضوعين,موضوع يتعلّق بالصّحة,وموضوع يتعلّق بأمور ماليّة معقّدة سَتُفْرَجْ عليكم
المتصلة أم نوف--آمين
د/فهد--فالصّحة,في فترة هذه الرؤيا,هل كنتِ فيكِ أعراض ماتعرفين أسبابها مرضيّة؟؟
المتصلة أم نوف--نعم نعم
د/فهد--هذه الأعراض اللّي عندك ولاتعرفين أسبابها,هذه بشارة خير أن الله سبحانه وتعالى سيُزِيلُها عنكِ
المتصله أم نوف--الحمد صارت عندي أعراض وزالت وطبت وتعافيت ,الحمد لله بخير وعافية
د/فهد--يارب لك الحمد-هذه بشارة-,البشاره الثانية أموال-ماشاء الله لاقوة إلاّبالله-تأتيكِ,وأيضاًذريّة طيبة
المتصلة أم نوف--أبشرك ذريه طيبه وإن شاء الله بخير ونعمة
د/فهد--بإذن الله.
عند سؤال ثاني؟؟
المتصلة أم نوف--بس هذا السؤال,أقولك أنا شفت الغنم النعيم,كله الغنم النعيم الأبيض هذا؟؟
د/فهد--أبد أبد,هذا اللي أنا قلت لك,أبشري بالنعمة
المتصله أم نوف--نعيم وعنده برسيم يابس -ياشيخ-ياكله!!
د/فهد--أبشري بالنعمة -ماشاء الله-وبالذريه الطيبه
المتصله أم نوف--أبشرك أنا ذريةٍ طيبه ونعم أن شاء الله
د/فهد--الحمد لله,تامرين شيء ثاني يا أم نوف؟؟
المتصله أم نوف--نعم,وش تقول يعني الشيخ اللي جاني على كتفي الأيمن ياشيخ؟؟
د/فهد--طيب,تسمعين الجواب,شكراً لكِ.
(طبعاً أنا دائماً أقول أن الرؤى ماتفصّل بهذا الشّكل اللّي تسأل عنه أم نوف,لكن هي بشارة خير لها بأنها تُشْفَى من أعراض تأتيها-وهذا حصل والحمد لله-,وأيضاًبشارة خير بأنها يأتيها أموال وتصرفها على نفسها وعلى ذريتها,وهذا اللّي على يمينها شيخ أبيض لحيته سوداء,طبعاًهذا هو لمّا يدعي الإنسان يكون على يمينه مَلَكٌ يدعوا لهُ ويؤَمِّن على دعاءه,فهذا عباره عن أو إشارة إلى البركه في الدعاء,وإلى التّيسير من الله سبحانه وتعالى للإنسان وتحقُّق الأماني بإذن الله.